Settu skápaskrímslið í megrun

Veist þú hvað leynist í skápunum þínum? Ef til vill einhverjar flíkur sem passa kannski seinna, íþróttabúnaður, skór, regnhlífar og hlutir sem þú veist ekki hvar þú átt að geyma. En í öllum skápum er líka dýrmætt pláss. JONAXEL hirslur auðvelda þér að nýta það á snjallari hátt – allt frá innstu hornum og upp í loft.

Þegar við viljum taka til heima gæti verið auðvelt að henda hlutum inn í dimmt, lokað rými og gleyma þeim svo. En það er ókostur við það. Það getur breytt skápnum þínum í skrímsli. „Til lengri tíma litið verður erfitt að fylgjast með eigum sínum, hlutir hverfa og þú finnur fyrir óreiðu sem getur valdið streitu,“ segir Paul Hughes sem hefur tekið þátt í að þróa JONAXEL.

Heimsóknir leiddu sannleikann í ljós

Paul og samstarfsfólk hans heimsóttu mismunandi heimili í þremur heimsálfum til að komast að því hvernig best væri að hjálpa fólki í svona málum. Þau tóku myndir og spurðu heimilisfólk fjölda spurninga. „Við fengum að sjá hvernig fólk raunverulega býr og það var ekki alltaf sem best,“ segir Paul og brosir. „Margir skápar eru með hillu og fataslá. Það er einfalt en ekki mjög hagnýtt. Þá er troðið í hilluna og eins mikið og hægt er hengt upp á fataslánna – restin endar á gólfinu.“

Sparaðu tíma og pláss

Það er algengt að aðrir hlutar lífsins komi í veg fyrir hversdagslegan og snyrtilegan dag, annaðhvort höfum við ekki orku, tíma eða áhuga til að laga það. „Þess vegna þurftum við að finna einfalda lausn sem auðvelt er að setja saman,“ segir Paul. Minnsta JONAXEL einingin passar nánast hvar sem er og þú getur búið til meira hirslupláss með því einfaldlega að stafla einingum ofan á hverja aðra. „Þetta er kerfi sem gerir þér kleift að taka stjórn á rýmunum sem þú hefur. Hjálp til skipulagðara lífs og stefnu til að koma í veg fyrir að skápaskrímslin verði of stór.“