IKEA innkallar belti í ANTILOP og PAX AURLAND rennihurðir.

IKEA innkallar belti í ANTILOP barnastól

IKEA biður vinsamlega þá viðskiptavini sem eiga ANTILOP háan barnastól frá framleiðanda númer 17389 og með framleiðsludagsetningar 0607-0911 að hafa samband við þjónustuver IKEA (http://www.ikea.is/thjonusta).

IKEA erlendis hefur fengið tilkynningar um að beltið í stólnum geti opnast við notkun og skapað þannig slysahættu.
Viðskiptavinir sem eiga ANTILOP barnastól eru beðnir að athuga númer framleiðanda og framleiðsludagsetningu sem prentuð eru neðan á sætið.

Ef númer framleiðandans er 17389 og framleiðsludagsetningin er 0607-0911 eru þeir vinsamlega beðnir að fara í Skilað og skipt eða hafa samband við þjónustuver í síma 520 2500 til að fá nýtt belti, þeim að kostnaðarlausu.
Innköllunin nær ekki til annarra IKEA barnastóla.
IKEA biðst velvirðingar á óþægindum sem þetta kann að valda.

IKEA innkallar PAX AURLAND speglahurðir

IKEA biður viðskiptavini sem eiga PAX fataskáp með AURLAND speglahurð frá framleiðanda nr. 12650 vinsamlegast um að hafa strax samband við þjónustuver (www.ikea.is/thjonustuver). IKEA hefur fengið tilkynningar um að spegillinn geti losnað af hurðinni og brotnað í beittar flísar. Engar tilkynningar hafa borist um slys.PAX AURLAND speglahurðin er framleidd af sama birgi og framleiddi ELGÅ FENSTAD speglahurðina sem nýlega var innkölluð. Rannsókn í kjölfar innköllunarinnar leiddi í ljós að sama vandamál átti við takmarkaðan hluta PAX AURLAND speglahurða. Framleiðsluvikurnar sem um ræðir eru 1039 – 1048. Vörunafnið PAX AURLAND og framleiðsluvikan og númer framleiðandans eru prentuð neðst aftan á speglahurðina.

Viðskiptavinir sem eiga PAX AURLAND speglahurð frá framleiðanda nr. 12650 eru beðnir að hafa samband við Þjónustuver IKEA í síma 520 2500 til að fá leiðbeiningar um hvernig þeir geti fengið nýja hurð, þeim að kostnaðarlausu.

IKEA biðst velvirðingar á óþægindum sem þetta kann að valda.