Brúðkaup sænsku krónprinsessunnar

Laugardaginn 19. júní 2010 gekk Viktoría krónprinsessa Svía í hjónaband með Daníel unnusta sínum. Í tilefni þess brugðum við í IKEA á leik
helgina 19. - 20. júní.

Á laugardeginum buðum við öllum konum er náð höfðu 18 ára aldri að koma í myndatöku til okkar í prinsessurúminu í svefnherbergisdeildinni.
Þessar konur mættu í brúðarkjólum af öllum gerðum og að myndatöku lokinni fengu þær gjafakort í dekur í Mecca Spa ásamt 10.000 kr. gjafakorti í IKEA og máltíð fyrir tvo á Veitingastað IKEA. Fleiri myndir af brúðunum má sjá á facebook síðunni okkar.

Sama dag bauðst gæsum og vinkonum þeirra að koma og fá fría máltíð og prinsessuköku á Veitingastaðnum.

Alla helgina fengu svo börn sem mættu sem prinsessur eða prinsar ókeypis prinsessuköku og Prince Polo og ýmis tilboð voru á Veitingastað IKEA í tilefni brúðkaupsins.

Við viljum þakka öllum sem tóku þátt og kíktu á okkur þessa skemmtilegu helgi kærlega fyrir.