Hverju þarf að huga að þegar unglingaherbergið er skipulagt?
Gott unglingaherbergi þarf að hafa allt til alls fyrir hefðbundnar athafnir hversdagsins; sofa, klæða sig, gera heimavinnu, hanga með vinum og sinna áhugamálunum. Herbergið þarf helst að vera notalegt, með praktískum eiginleikum og sýna persónuleika íbúans. Hér eru nokkur ráð.
Fjölhæfur hægindastóll
Þægilegur stóll kemur að góðum notum þegar unglingurinn situr lengi við yndislestur eða námsefnið. Hann er einnig gagnlegur þegar verið er að skipta um föt ásamt góðum veggspegli og snögum.
Þegar rúmið er í hlutverki sófa á daginn nýtist gólfplássið vel. Síðan er hægt að bæta við nokkrum púðum í stíl að eigin vali. Hirsla undir rúminu er alltaf góð hugmynd og nýtir plássið vel.
Hátalari við spegilinn gerir unglingnum kleift að hlusta á uppáhaldstónlistina þegar hann gerir sig til. Einnig er hægt að nota hilluna til að leggja frá sér snyrtivörur eða aðra hluti.
Vegghirslur taka ekkert gólfpláss. Þessi hilla hentar vel í unglingaherbergi til að geyma og sýna áhugamálin á skipulagðan hátt. Sláin getur gegnt hlutverki fatahengis.