BEKANT
Rafmagnshornskrifborð, hægri,
160x110 cm, hvítt

85.900,-

44.900,-

BEKANT línan er að hætta í sölu
BEKANT vörurnar hafa verið vinsælar lengi en nú er komið að því að búa til pláss fyrir nýjar og spennandi vörur. Gríptu tækifærið ef þú vilt bæta við samsetninguna sem þú átt nú þegar áður en línan hættir í sölu.

BEKANT
BEKANT

BEKANT

85.900,-
44.900,-
Vefverslun: Uppselt
Sterkbyggt og endingargott skrifborð sem þolir áralanga notkun. Þú færð mikið vinnupláss og góða lausn fyrir snúrurnar undir borðinu.
BEKANT rafmagnshornskrifborð, hægri

Hannað til að vera þægilegt og byggt til að endast.

Hvort sem við vinnum heima eða á skrifstofu, þá eru margir sem eyða megninu af deginum við skrifborðið. Þess vegna er þægileg vinnuaðstaða mikilvæg fyrir heilsu okkar og velferð. Þar sem við erum öll mismunandi er mikilvægt að skrifstofuhúsgögnin geti mætt þörfum hvers og eins. Þessi bæklingur sýnir þér hvernig við setjum þægindi þín í forgang, og hvað þú getur gert til að gera vinnuaðstöðuna þína sem besta.

Gerðu vinnuaðstöðuna sem þægilegasta

Það er mikilvægt að skapa þægilega vinnuaðstöðu sem hentar einmitt þér. Ef þú situr eða stendur við vinnu í lengri tíma í óþægilegri stellingu getur það valdið háls- eða bakmeiðslum auk ýmissa annarra alvarlegra heilsukvilla. Kynntu þér hvað þú getur gert til þess að skapa þér vinnuvistvæna aðstöðu, lestu þér til um mismunandi gæðapróf sem vörurnar okkar þurfa að standast og hráefnið sem við notum. Hvað er vinnuvistvæn vinnuaðstaða? Vinnuvistfræði snýst um að hanna vörur og umhverfi sem eru öruggar og þægilegar í notkun. Vinnuvistvæn vinnuaðstaða er svæði sem er hannað með persónulegar þarfir þínar í huga, svo að þú getir unnið vinnuna þína á þægilegan og öruggan hátt.

Vinnur betur og líður vel

Við viljum aðstoða þig við að gera vinnuumhverfi þitt vinnuvistfræðilega gott þannig að það stuðli að betri heilsu. Það þýðir að vinnuaðstaðan er sett upp eftir þínum þörfum með vinnuvistfræði í huga, þannig að þú getir hreyft þig um eins mikið og mögulegt er. Mannslíkamanum er ætlað að hreyfast þannig að gott vinnuumhverfi gefur þér kost á að velja hvort þú situr, stendur eða tyllir þér, og gefur þér færi á að breyta oft um stöðu. Ef þér líður vel í vinnunni þá vinnur þú betur.

Nokkur ráð:

Það að velja rétta stólinn, skrifborðið, tölvuskjáinn eða vinnulýsinguna getur hjálpað þér að skapa þægilega vinnuaðstöðu, en það getur ekki lagað ranga líkamsstöðu. Temdu þér góða líkamsstöðu hvort sem þú situr eða stendur til að forðast meiðsli. Hér eru nokkur góð ráð um hvernig þú getur skapað þægilega vinnuaðstöðu.

1. SITJA

Þú ættir að geta teygt úr fótunum undir borðinu og snúið þér í 90° til vinstri og hægri. Mjaðmir og hné ættu að mynda um það bil 95-100° horn þegar fæturnir eru flatir á gólfinu. HÆÐ Veldu stól sem hægt er að stilla hæðina á. Þegar þú stendur ætti hæsti punktur setunnar að nema rétt fyrir neðan hnésbót. Líkamsþyngdin á helst að dreifast jafnt um setuna. Hækkaðu setuna ef þú finnur fyrir þrýstingi aftarlega á setunni, en lækkaðu hana ef þú finnur fyrir þrýstingi framarlega. Það eykur blóðflæðið og minnkar líkur á bólgum. SÆTISHALLI Notaðu stillingarnar á setunni til að auka enn þægindin. Það hefur áhrif á hvernig líkamsþyngdin dreifist um setuna og veitir þér meiri stöðugleika og stuðning þegar þú þarfnast hans. Mælt er með 5° halla.

BAKSTUÐNINGUR Stóll með góðum stuðningi við mjóbakið léttir á spennu og kemur í veg fyrir of mikla þreytu. Hallinn á bakpúðanum ætti að vera þannig að efri hluti líkamans halli örlítið aftur (mælt með 110°). ARMAR Armar geta stutt við efri hluta framhandleggja og minnkað álag á axlir og bak. Gættu þess að armarnir komi ekki í veg fyrir að hægt sé að draga stólinn nálægt borðplötunni, eða komi í veg fyrir náttúrulegar hreyfingar þínar. Hafðu einnig í huga að mjúkir armar eru þægilegri fyrir olnbogana.

2. STANDA

Skrifborð sem hægt er að hækka og lækka eftir þörfum er frábært þar sem það gerir þér kleift að skipta oft um stöðu. Að skiptast á að sitja og standa minnkar hættu á meiðslum og eykur blóðflæðið, sem og afköstin. Borðplatan á að vera í olnbogahæð og olnbogarnir í 90°horni hvort sem þú situr eða stendur við skrifborðið þitt.

3. TYLLA

Stuðninskollur gerir þér kleift að vinna í stöðu sem er mitt á milli þess að sitja og standa, og er mjög hentugt ef þú ert með skrifborð sem hægt er að hækka og lækka. Þessi staða hefur eftirfarandi kosti: Gott frelsi til að hreyfa bæði efri og neðri líkama. Þú nærð opinni líkamsstöðu sem eykur blóðflæðið og efnaskipti líkamans.

4. TÖLVUSKJÁRINN

Gættu þess að tölvuskjárinn sé ekki of nálægt þér. Þú átt ekki að ná að snerta skjáinn jafnvel þótt þú dragir stólinn eins nálægt skrifborðinu og þú getur og réttir hendurnar fram. Tölvuskjárinn á að vera beint fyrir framan þig, og efri brún hans á að vera rétt fyrir neðan sjónlínu. Það getur valdið skaða á hálsi að hafa skjáinn of hátt uppi. Þegar unnið er við tölvuna í lengri tíma þarf að passa upp á að það sé nægur stuðningur fyrir handleggi og úlnliði. Lyklaborðið og tölvumúsin ættu að vera um 10-15 cm frá brún skrifborðsins, svo að úlnliðirnir fái nægan stuðning, en ekki það langt frá brúninni að háls og axlir fari að vísa fram. Tölvuskjárinn ætti að halla 20-30°, sem er hentugur halli fyrir augu, háls og axlir.

5. LÝSING

Til að fá sem besta lýsingu ættir þú að huga að því að blanda saman almennri lýsingu, stemningslýsingu og vinnulýsingu. Skrifborðslampi er ein gerð af vinnulýsingu sem gefur góða lýsingu á ákveðnu svæði. Þannig lýsing hentar til dæmis vel við pappírsvinnuna. Almenn lýsing veitir góða og jafna lýsingu fyrir allt rýmið. Stemningslýsingin gefur notalegan blæ og minnkar skilin á milli almennu lýsingarinnar og vinnulýsingarinnar. Hafðu lampann þér á vinstri hönd ef þú ert rétthent/ur til að draga úr skugga. Tölvur nálægt glugga ættu að vera í um 90° horni á gluggann til að forðast glampa.

Gæði

Við prófum vörurnar okkar hvað varðar gæði, öryggi og endingu þannig að þær standist alþjóðlega staðla. Við setjum okkur strangar reglur varðandi efnasambönd í vörunum okkar, og jafnvel þótt einhverja vörur standist alþjóðlega staðla er ekki þar með sagt að þær uppfylli okkar staðla sem eru oft strangari. Þegar sú er rauninn þá framleiðum við ekki vöruna. Öryggi er alltaf í fyrirrúmi.

Alþjóðlegir staðlar

Við prófum vörurnar okkar til að vera viss um að þær standist alla alþjóðlega staðla sem settir eru fram af EN og ANSI/BIFMA. Þar að auki setur IKEA sér sína eigin staðla fyrir efnasambönd og gæðapróf. EN EN stendur fyrir European Norm. Þessir staðlar eru viðurkenndir um alla Evrópu og tryggja burðarþol, endingu og stöðugleika. ANSI/BIFMA ANSI stendur fyrir American National Standards Institute, sem setur og sér um reglur og staðla, og veita samtökum eins og BIFMA umboð til þess að gera prófanir á mismunandi sviðum atvinnulífsins. BIFMA, eða Business and Institutional Furniture Manufacturers Association, er með ströngustu öryggisstaðlana fyrir skrifstofuhúsgögn. Skrifstofuhúsgögnin frá IKEA sem vottuð eru til notkunar á vinnustöðum eru prófuð samkvæmt BIFMA öryggis- og styrkleikastöðlum.

Ströng gæðapróf

Gæðapróf eru framkvæmd í vöruþróunarferlinu á rannsóknarstofum okkar í Svíþjóð og Kína. Próf fyrir húsgögn ætluð til heimilisnota og á vinnustöðum eru eins, en húsgögn fyrir vinnustaði eru prófuð oftar og með þyngri byrði.

Svona prófum við skrifstofuhúsgögnin

Skrifborðs- og fundastólar Skrifborðsstólar sem ætlaðir eru til heimilisnota eru prófaðir til að við séum viss um að þeir séu þægilegir, stöðugir, öruggir og endingargóðir. Prófin fyrir skrifborðsstóla sem ætlaðir eru fyrir vinnustaði eru strangari til að tryggja að þeir standist strangar reglur um stöðugleika, þol og endingu. Til dæmis eru stólarnir látnir þola þunga byrði allt að 300.000 sinnum. Skrifborð Skrifborð sem ætluð eru til heimilisnota þurfa að standast fjölda mismunandi prófa til að tryggja stöðugleika, styrk og endingu. Framkvæmdin fer eftir hönnun borðsins og hvaða hlutar skrifborðsins megi ætla að verði fyrir mesta álaginu. Gæðapróf fyrir skrifborð sem ætluð eru til notkunar á vinnustöðum eru strangari en próf fyrir skrifborð til heimilisnota. Skrifborð sem standast þessi próf uppfylla eftirfarandi staðla: EN 527, ANSI/BIFMA X5, sem þýðir að við prófum stöðugleika þeirra, endingu og öryggi. Til dæmis má nefna að við prófum styrk borðsins með því að setja 100 kílóa þrýsting lóðrétt á borðið í 10 skipti, 10 sekúndur í senn.

Hirslur Gæðapróf eru einnig gerð á hirslum til að tryggja öryggi og endingu. Hurðir, skúffur, yfirborð og hjól eru prófuð á mismunandi hátt. Hirslur sem eru vottaðar til notkunar á vinnustöðum eru merktar með eftirfarandi stöðlum: EN 14073 og ANSI/BIFMA x 5.9.

Efni

Það skiptir okkur máli hvaða hráefni er notað í vörurnar okkar og við stefnum alltaf að því að nota auðlindir okkar á sem skilvirkastan hátt. Við veljum hráefnið vandlega en höldum jafnframt verðinu lágu. Besta hráefnið hverju sinni fer eftir hönnuninni og hvernig hluturinn er notaður. Melamín er til dæmis oft notað á borðplötur þar sem það rispast lítið og lætur ekki á sjá. Melamín –er pappírsþynna sem er ýmist heillituð eða með mynstri, og síðan mettuð. Þegar þynnan er tilbúin er hún pressuð á plötu, oftast á spónaplötu. Þessi meðhöndlun gerir melamínhúðað yfirborðið endingargott, hita- og vatnsþolið og auðvelt í umhirðu. Viðarspónn – er samansettur úr þunnum viðarlögum sem eru límd saman á plötu, oftast á spónaplötu. Allur viðarspónn sem IKEA notar er lakkaður. Lakkið gefur honum endingargóða áferð sem verndar viðinn gegn raka og rispum, og er auðveldur í þrifum. Pappaviður (Board on frame) – viðarplata eða trefjaplata fyllt með endurunnum pappír í vaxkökuformi. Sterkt en mjög létt og nýtir náttúruauðlindir vel. Bambus – sterkari og sveigjanlegri en flestur annar viður. Hann getur vaxið um allt að einn metra á dag og framleiðir tvisvar sinnum meira af súrefni en önnur tré.

Gegnheill viður – er endurnýjanlegur og náttúrulegur efniviður sem er endingargóður og gerir hvert húsgagn einstakt með fallegum sérkennum sínum. IKEA fær allan sinn við úr sjálfbærum skógum sem eru undir ströngu eftirliti. GLOSE leður – mjúkt en endingargott, gegnumlitað gæðaleður sem er húðað með verndandi lagi. Auðvelt í umhirðu. Notið ABSORB leðurhreinsiefni við umhirðu. Plast – gervi- eða hálfgerviefni sem hægt er að forma að vild og er framleitt úr olíu eða náttúrulegu gasi, en einnig úr plöntum. Hægt er að flokka plast í tvo flokka: Mjúkt plast sem hægt er að hita, móta og svo bræða aftur ef með þarf, og hart plast sem ekki er hægt að bræða aftur eftir að það hefur verið mótað. IKEA notar helst mjúk plastefni í sína framleiðslu eins og til dæmis pólýkarbónatplast og pólýprópýlenplast. Viðartrefjablanda (WPC) – blanda af við og plasttrefjum sem er mótuð eftir þörfum og sameinar kosti beggja efnanna. Það er sterkara og léttara en önnur plastefni sem dregur úr flutningskostnaði og minnkar umhverfisáhrif. Málning og lakk – duftlökkun er aðferð þar sem yfirborð er húðað með þurri duftmálningu, oft málmar. Þetta er skilvirk og umhverfisvæn aðferð, þar sem það fer lítið sem ekkert duft til spillis og engin leysiefni eru notuð.

Sjá meira Sjá minna

Efni

Hvað er spónaplata?

Spónaplata er unnin úr endurunnum við og afgöngum frá sögunarverksmiðjum – þannig verður viður sem ekki er í réttum lit, viðarflísar og sag að auðlind í stað þess að enda mögulega sem rusl. Við notum plöturnar í hluti eins og bókaskápa, rúmgrindur, sófa og eldhússkápa. Til að verja þær fyrir sliti og raka setjum við á þær lakk, viðarspón eða filmu sem bætir útlit húsgagnsins.

Samantekt

Fólk og umhverfi (A7)

Það er auðvelt að skipta á milli sitjandi og standandi stöðu með skrifborðunum okkar.

Hugleiðingar hönnuða

Hönnun Karl Malmvall og Eva Lilja Löwenhielm

„Þegar við hönnuðum BEKANT línuna þá var markmið okkar að gera breytanlegar borðasamsetningar sem hvetja til samvinnu, funda og sköpunar. Borðin koma í mismun­andi stærðum og lögun, sem þú ­getur notað eitt sér eða blandað þeim saman eins og þér hentar. Og það er auðvelt að bæta við, eða breyta hvenær sem er. Til að stuðla­ að heilsusamlegra vinnuumhverfi, þá er hægt að stilla hæðina á grindunum þannig að hægt sé að sitja og standa við þau eftir þörfum. Þessi vörulína hefur líka verið prófuð og samþykkt til notkunar í atvinnu­skyni, svo að hún er fullkominn í ­allar ­gerðir af skrifstofum.“

Sjálfbærara líf heima

Sittu eða stattu á meðan þú vinnur

Það er auðvelt að velja á milli þess að sitja eða standa þegar þú notar rafmagnsskrifborðin okkar. Einfalt er að aðlaga hæð borðsins fyrir þægilega setu eða stöðu. Rannsóknir sýna að það bætir heilsuna að skiptast á að sitja og standa við vinnu. Þannig að, stattu upp annað slagið.

Eiginleikar

Verið virk í vinnunni!

Þú getur hækkað og lækkað skrifborðið þitt með einföldum takka á rafknúnu borðfótunum fyrir BEKANT. Þetta eykur sveigjanleika á vinnustellingum og virkjar líkamann. Lægsta staðan er 65 cm og hæsta er 125 cm.


Bæta við vörum

Aftur efst
+

Vöruvöktun

Áætlað magn

Tilkynning hefur verið stillt

X