Hljóðstyrkur undir 60 dB telst lágur fyrir viftur og jafngildir nokkurn veginn venjulegu samtali milli tveggja einstaklinga. Við mælum hljóðstyrkinn á viftunum okkar á hámarkshraða til að auðvelda samanburð á milli mismunandi gerða. Athugaðu að hljóðstyrkurinn minnkar á lægri hraða og viftur með kolasíu eru yfirleitt háværari en þær sem blása út. Hljóð getur einnig aukist ef loftræstistokkurinn er langur eða með mörgum beygjum, því þá þarf loftið að vinna meira til að komast í gegnum loftræstikerfið.

Viltu fá meira notagildi úr heimilistækjunum þínum. Hversdagsleg eldhúsverk verða auðveldari og skemmtilegri með fjölhæfum vörum eins og blástursofni með viðbótargufu fyrir betri bakstur eða kæli-/frystiskáp með sjálfvirkri afþíðingu sem er hannaður til að auðvelda þrif og flýta fyrir kælingu eftir stórinnkaup. IKEA 500 heimilistækin einfalda daglegt líf í eldhúsinu með fullkominni blöndu af alhliða notagildi og stílhreinu útliti. Allt þetta og að auki 5 ára ábyrgð!

Óhrein sía getur hægt á viftunni og dregið úr getu hennar til að fjarlægja reyk, lykt og steikingarfitu. Óhreinindin auka líka eldhættu. Hreinsaðu síurnar á 2–3 mánaða fresti, eða oftar ef þú steikir mikið, til að tryggja góða virkni þeirra og ferskan ilm í eldhúsinu. Allar viftur frá IKEA eru með fitusíum sem má taka úr og þvo í uppþvottavél. Viltu frekar þvo síurnar í höndunum? Notaðu volgt vatn og smá uppþvottalög. Leyfðu síunum að þorna og settu þær svo aftur í!