Óhrein sía getur hægt á viftunni og dregið úr getu hennar til að fjarlægja reyk, lykt og steikingarfitu. Óhreinindin auka líka eldhættu. Hreinsaðu síurnar á 2–3 mánaða fresti, eða oftar ef þú steikir mikið, til að tryggja góða virkni þeirra og ferskan ilm í eldhúsinu. Allar viftur frá IKEA eru með fitusíum sem má taka úr og þvo í uppþvottavél. Viltu frekar þvo síurnar í höndunum? Notaðu volgt vatn og smá uppþvottalög. Leyfðu síunum að þorna og settu þær svo aftur í!

Við erum öll með mismunandi þarfir, stíl og fjárhag – þess vegna eru heimilistækin okkar flokkuð í mismunandi línur. Lítið pláss? TILLREDA heimilistækin eru tilbúin til notkunar og fullkomin fyrir lítil rými. Er fjárhagurinn þröngur? Veldu þá LAGAN heimilistækin. Þarftu hjálparhellu í eldhúsinu? IKEA 300 heimilistækin bjóða upp á allar helstu stillingar. Fjölnota IKEA 500 heimilistækin okkar eru tilbúin í öll verkefni, stór sem smá. Ef þú ert að leita að framúrskarandi afköstum eru IKEA 700 heimilistækin rétti kosturinn.

Hljóðstyrkur undir 60 dB telst lágur fyrir viftur og jafngildir nokkurn veginn venjulegu samtali milli tveggja einstaklinga. Við mælum hljóðstyrkinn á viftunum okkar á hámarkshraða til að auðvelda samanburð á milli mismunandi gerða. Athugaðu að hljóðstyrkurinn minnkar á lægri hraða og viftur með kolasíu eru yfirleitt háværari en þær sem blása út. Hljóð getur einnig aukist ef loftræstistokkurinn er langur eða með mörgum beygjum, því þá þarf loftið að vinna meira til að komast í gegnum loftræstikerfið.