Close

OMEDELBAR

Væntanleg 1. mars

Nýr og ferskur andi svífur yfir vötnum í nýrri vörulínu sem IKEA vann í samstarfi við tískufrömuðinn Bea Åkerlund. OMEDELBAR inniheldur einstakar vörur eins og stóra pípuhatta úr gleri, kyssilega púða og áberandi vefnaðarvöru. Þetta er lína sem beinir sviðsljósinu að fötunum þínum, fylgihlutum og persónuleika. Sjón er sögu ríkari. Tímabundin vörulína, væntanleg í mars.

Hönnuðurinn Bea Åkerlund

Bea Åkerlund flakkar á milli heima kvikmynda, tísku og tónlistar og lýsir sjálfri sér sem tískufrömuði. Þú þekkir hana ef til vill sem einn áhrifaríkasta stílista og búningahönnuð bransans en hún hefur unnið með stjörnum á borð við Madonnu, Beyoncé, Lady Gaga og Rihanna, svo einhverjar séu nefndar. Bea er þekkt fyrir einkennandi útlit sitt og sérkennilegan stíl sem hún lagar að þeim listamanni sem hún vinnur með hverju sinni. Hún er óhrædd við að prófa nýja hluti og því er kannski ekki að undra að hún ákvað að hefja samstarf við IKEA.

Bea Åkerlund
Pípurhattur
Rósir

Pípuhattar hafa lengi verið nátengdir töfrum og ævintýrum. Úr þeim hoppa hvítar kanínur og Óði hattarinn í Lísu í Undralandi á honum mikið að þakka. Bea elskar pípuhatta og því eiga þeir sér sinn stað í línunni.


„Fylltu hattinn með hverju sem er; hnappasafninu þínu eða snyrtivörum. Þú ræður!“

- Bea Åkerlund

Bea Åkerlund með pípuhatt
klukka
kóróna
Hendur

OMEDELBAR línan nær að fanga kjarnann í persónulegum stíl Bea þar sem glamúr mætir gotneskum blæ. Einkenni hennar er rauði varaliturinn sem er líkt og rauður þráður í gegnum línuna ásamt svarthvítu röndunum. Bea segir sjálf að hún fari í háttinn með rauðmálaðar varir og því eðlilegt að hún endurgeri varir sínar og geri úr þeim stóra og notalega púða.