Við notum vafrakökur á vefsíðunni til þess að bæta þjónustu til viðskiptavina okkar. Ef þú heldur áfram án þess að breyta stillingum samþykkir þú notkun þeirra. Sjá nánari upplýsingar
Close

ÖRUGGARA HEIMILI

Áreiðanlega óútreiknanleg

Það má reikna með því að sambúð með börnum verði óútreiknanleg. Nýja IKEA Öruggara heimili appið hjálpar þér að vera skrefi á undan litla könnuðinum þínum. Útbúðu minnislista yfir öryggisráðstafanir sem byggðar eru á aldri barnsins. Kannaðu mismunandi herbergi heimilisins og fáðu einföld ráð um hvar þú getur aukið öryggið.

 

Fræðsla fyrir öruggara heimili

Börn eru forvitin og hafa þörf fyrir að kanna umheiminn til að þroska með sér hæfni fyrir lífið. Börn geta þó ekki komið auga á og forðast þær hættur sem fullorðnum þykja augljósar. Þau sjá hluti ekki með sömu augum og við. Í þeirra augum getur rúm verið trampólín, þvottavél er góður felustaður, kollur verður að stökkpalli, skrifborðsstóll að hringekju og eldhússkúffurnar að tröppum.

Til að deila þekkingu okkar á hvernig má skapa öruggara heimili, bjóðum við upp á vinnustofur í versluninni. Þar færðu einfaldar ráðleggingar sem krefjast ekki mikils tíma eða fyrirhafnar. Næstu vinnustofur eru miðvikudaginn 26. september, þriðjudaginn 16. október og þriðjudaginn 30. október. Smelltu á hlekkinn til að skrá þig!

Skoðaðu fræðsludagskrána hér

5 fljótleg öryggisráð

01

Eru bókahillur, fataskápar, kommóður og aðrar hirslur festar við vegg? Það er mjög mikilvægt jafnvel þótt þú metir það svo að húsgagnið muni ekki detta. Gættu öryggis og festu það.

 

02

Eru allar mottur á heimilinu með föstu eða lausu stömu undirlagi?

 

03

Er sjúkrakassi á heimilinu og veit heimilisfólkið hvar hann er? Gakktu líka úr skugga um að slökkvitæki og eldvarnarteppi séu á vísum stað og virki.

 

04

Eru reykskynjarar á heimilinu.

Ef já, eru rafhlöðurnar í lagi?

 

05

Eru lyf, vítamín og fæðubótarefni geymd þar sem börn ná ekki til eða í læstri hirslu?

Svona vinnum við

Engin vara er undanskilin þegar öryggisprófanir eru annars vegar

 

Þegar við hönnum vörur fyrir börn reynum við að sjá þær eins og börnin sjá þær. Við vitum að þeirra heimur snýst um leik, hreyfingu, ímyndunarafl, afslöppun, svefn, næringu og vellíðan. Það er óhjákvæmilegt að stundum verði árekstrar sem fylgir kúla á enni og nokkur tár en alvarleg slys eru aldrei ásættanleg.

 

Þegar við prófum vörurnar okkar höfum við bæði í huga hvernig ætlast er til að varan sé notuð og líka hvernig mögulegt er að nota hana og þannig drögum við úr áhættu á slysum. Hver einasta vara gengur í gegnum strangt prófanaferli og hún er ekki sett í sölu fyrr en við erum fullviss um að hún sé örugg. Jafnvel eftir að vörurnar eru komnar í sölu höldum við áfram að meta þær og prófa reglulega og gerum úrbætur ef þörf krefur.

Vissir þú?

58%

58% meiðsla í Evrópu (allur aldur) sem krefjast spítalaheimsóknar gerast inni á heimilum fólks eða við tómstundaiðkun.

 

66%

Tveir þriðju allra meiðsla barna yngri en 9 ára í Evrópu sem krefjast meðhöndlunar á spítala gerast inni á heimilum fólks eða við tómstundaiðkun. Hjá börnum yngri en 4 ára er hlutfallið 77% og 80% hjá börnum yngri en 1 árs.


*Heimild: EuroSafe report (2012 – 2014) fyrir European Association for Injury Prevention and Safety Promotion

„Vertu skrefi á undan þroska barnsins þíns.“

Herdís, stofnandi miðstöðvar slysavarna barna á Íslandi

„Markmiðið er að gera frábærar og öruggar vörur fyrir viðskiptavini okkar.“

Marie Wendel-Svensson, laga- og staðlasérfræðingur hjá IKEA

Lærðu meira um öryggi

Náðu í nýja IKEA Öruggara heimili appið og vertu skrefi á undan litla könnuðinum þínum.

Appið er frítt á Google Play (Android) og Apple App Store (iOS).

Skráðu þig á vinnustofu um öryggi barna


Skoðaðu fræðsludagskrána hér