Við notum vafrakökur á vefsíðunni til þess að bæta þjónustu til viðskiptavina okkar. Ef þú heldur áfram án þess að breyta stillingum samþykkir þú notkun þeirra. Sjá nánari upplýsingar
Close
Fara í körfu
Close

Hráefni

Húsgögn úti í skógi.
VEDBO hægindastóll

Viður

Viður leikur stórt hlutverk í starfsemi IKEA. Hann lætur húsgögnin okkar eldast fallega og gerir þau það endingargóð að þau geti nýst fleiri en einni kynslóð. Skógar eru þó viðkvæmir fyrir því hvernig við meðhöndlum þá. Allur viður sem við notum uppfyllir kröfur IWAY Forestry Standard, sem bannar notkun á við úr skógum sem felldir eru ólöglega. Umfang rekstursins þýðir að við berum mikla ábyrgð og erum jafnframt í stöðu til að vernda skóga jarðarinnar. Fyrir 2020 verður 100% af öllum við sem við notum FSC (Forest Stewardship Council) vottaður eða úr endurunnu hráefni. Við höfum þegar náð hlutfallinu í 80%. FSC staðlarnir vernda bæði vistkerfi og lífsviðurværi fólks.

Nærmynd af við.
Nærmynd af bómull.
Sængur og koddar.

Bómull

Við elskum að vinna með bómull. Hún er náttúrulegt og endurnýjanlegt hráefni sem andar vel. Vegna einstakrar rakadrægni bómullar, hentar hún til notkunar jafnvel í mjög röku loftslagi. Okkur þykir þí miður hvað bómull getur haft neikvæð umhverfisáhrif og getur jafnvel verið skaðleg fyrir bómullarbændurna og fjölskyldur þeirra. Frá árinu 2015 hefur öll bómull sem við notum í vörunarn okkar verið áf sjálfbærari uppruna. „Sjálfbærari uppruni“ þýðir betri aðferðir við framleiðsluna fyrir bæði fólk og umhverfið með því að lágmarka notkun á skordýraeitri og áburði. Það snýst líka um að tryggja ábyrgari vatnsnotkun og þróun í ræktunaraðferðum. Við munum halda áfram að beina sjónum að því að spara vatn og hlúa að líffræðilegum fjölbreytileika. Hluti af markmiði okkar er að sjálfbærari bómull verði sjálfsögð fyrir allan iðnaðinn, ekki bara IKEA.

Húsgögn úr náttúrulegum trefjum.

Náttúrulegar trefjar

Vatnahýasinta, korkur, banalauf og reyr eru nokkur dæmi um náttúrulegar trefjar sem notaðar eru í IKEA vörur og notkun þeirra fer vaxandi. Þetta er ekki aðeins náttúrulegt hráefni, heldur líka mjög skemmtilegt hráefni frá hönnunarsjónarmiði með mikinn karakter og sem gerir hverja vöru einstaka. Þessi framleiðsla er að mestu utan iðnaðarins. Við vinnum náið með vefurum og hagverksfólki í Víetnam, Indónesíu og Kína, meðal annarra. Samstarf við hæfileikaríkt hagverksfólk hvaðanæva að úr heiminum opnar dyr að meira samstarfi, innblæstri og nýrri þekkingu.

Nærmynd af náttúrulegum trefjum.
Endurunnin efni.
Eldhúsinnrétting með KUNGSBACKA eldhúsframhliðum.

Úrgangur/endurunnið

Við notum endurunnið efni hvar sem því verður við komið. Viður, plast, pappír og málmur eru bara nokkur sem okkur þykir gott að vinna með. Við gerum greinarmun á úrgangsefni og endurunnu efni; úrgangsefni vísar ti lefnis sem verður afgangs úr annarri framleiðslu en endurunnið efni er þegar við náum að endurnýta efni úr eldri vörum. En, það er ekki allt og sumt. Þetta snýst líka um hvernig við hugsum um og þróum vörur. Markmiðið er að hanna á þann hátt að það geri fólki kleift að endurvinna vörur að notkun lokinni og draga þannig úr úrgangi. Þess vegna leitum við stöðugt nýrra leiða við að nýta afgangsefni og endurunnið og breyta því í eitthvað nytsamlegt og fallegt fyrir heimilið þitt, eins og til dæmis KUNGSBACKA eldhúsframhliðarnar.

ODGER stóll.

Blöndun efna

Blandað efni samanstendur af tveimur eða fleiri efnum þar sem hvert þeirra hefur sína eiginleika. Við notum blönduð efni vegna þess að þau eru sterk, viðhaldslítil, á lágu verði og létt. Dæmi um slíkt er plastviðarblanda. Með því að blanda afgangsviðartrefjum við plast verður það sterkara og hagkvæmara, og það nýtir betur hráefni. Það er fegurðin við viðarplastblöndu; minna hráefni er notað og gefur færi á að nota afganga sem teldust ekki gæðahráefni út af fyrir sig (skilgreint sem úrgangur) og breyta því í eitthvað nýtt sem er sterkt, fyrirferðarlítið, létt og endingargott. Viðarplastblöndu er að finna í ýmsum vörum, t.d. BILLY bókaskápum, ODGER stólum og RÖDTOPPA sængum.

Nærmynd af plastviðarblöndu.
Nærmynd af plasti.
IKEA PS 2002 garðkanna.

Plast

Við erum lögð af stað í þá vegferð að hætta notkun á plasti sem ekki er annað hvort endurnýjanlegt eða endurunnið. Mest af plasti er unnið úr olíu sem þýðir að það er unnið úr óendurnýjanlegu hráefni. Þess vegna, hvar sem mögulegt er, notum við eins mikið af endurunnu eða endurnýjanlegu plasti í vörurnar okkar. Í dag er um þriðjungur af plastvörum okkar af endurnýjanlegum/endurunnum uppruna. PET, PE og PP eru þrjár mest notuðu plasttegundirnar í IKEA vörum og þær uppfylla allar ströngustu lög og öryggiskröfur. Við höfum sett okkur nákvæmar kröfur um notkun efnasambanda og annarra efna í framleiðsluferlinu, og tekið þar til greina heilbrigðiskröfur og öryggisstaðla.

STOCKHOLM 2017 hægindastóll.

Bambus

Bambus er ein hraðvaxnasta planta í heimi og það er ein ástæðan fyrir því hve vel okkur líkar að vinna með hana. Bambus er sterkur, harður og þolir raka vel. Við skiptum bambus niður í þrjá flokka eftir ferlinu og vörunni sem á að nota hann í. Meira en 90% af bambusnum sem við notum er frá Kína og frá árinu 2016 hefur hann nánast allur verið FSC vottaður. Það var langt ferli að fá vottun og við hlökkum til að gefa út bambusstaðlana okkar til að þróa iðnaðinn einnig í Víetnam og Indlandi.

Nærmynd af bambus.