Saga
Við hjá IKEA búum yfir góðri þekkingu á lífinu heima fyrir, en við erum nýgræðingar í tölvuleikjaheiminum. Til að skilja betur hvernig hversdagslíf dyggra tölvuleikjaspilara hófum við samstarf við Republic of Gamers. Samstarfið ól af sér vinnuvistfræðilega og þægilega lausn sem færir þér betri nákvæmni þegar þú spilar og snjallar hirslur fyrir allar græjur. Vörur sem passa vel með húsgögnunum sem þú átt nú þegar og hjálpa þér að skara fram úr á þínu sviði.
Spyrðu hvaða spilara sem er og þeir segja þér að spilamennska sé meira en skemmtilegur tími. Það er leið til að slaka á og tengjast öðrum – og fyrir suma, jafnvel lífsviðurværi. Þegar Sofia Wiktorsson, einn vöruhönnuða okkar, byrjaði að vinna með nýja vöruúrvalið okkar fyrir ástríðufulla spilara, steig hún inn í algjörlega nýjan heim – tölvuleikjaheiminn.
Við leggjum okkur fram við að hjálpa fleiri spilurum
„Við unnum með ROG allan tímann og kynntumst bæði faglegum og stórtækum spilurum,“ segir Sofia. Þegar hún og teymið fengu að spjalla við og fylgjast með spilurunum að verki kom betur í ljós hvar IKEA getur skipt sköpum. „Við sáum þörf fyrir þægilega og vinnuvistfræðilega stóla og hjálpartæki fyrir langa spilatíma, stöðug húsgögn og aukahluti sem auka nákvæmni og góða hirslu fyrir tölvubúnaðinn. En við þróuðum líka lausnir sem auðvelda þér að borða og drekka á meðan þú spilar.“
Lýðræðisleg tölvuleikjaspilun
Það eru nokkrir milljarðar spilara í heiminum en þetta er ekki einsleitur hópur fólks – fjölbreytnin er mikil með mismunandi menningu, aldri, menntunarstigi og tekjum. „Við viljum gera þér kleift að aðlaga leikjastöðina að þínum smekk og þínum þörfum, sama hvaðan þú kemur, hvort þú býrð á eigin vegum eða með öðrum,“ útskýrir Sofia. „Vörurnar ættu að passa við annað sem fólk hefur á heimilum sínum. Þetta er okkar leið til að lýðræðisvæða góða spilaupplifun – bæði fyrir spilara og þá sem spila ekki.“
