Pizza

Pizzadeigið okkar er hágæðapizzadeig. Bættu við ljúffengu áleggi og meðlæti og skapaðu þína eftirlætispizzu í nokkrum einföldum skrefum.

Pizzagerð leiðbeiningar:

Geymdu pizzadeigið í upprunalega ílátinu í ísskáp þar til um einni klukkustund fyrir notkun.

Stráðu maískurlinu okkar eða hveiti á borðið og flettu deigið jafnt út, helst með höndum en einnig má nota kökukefli.

Settu botninn á pizzanet eða bökunarpappír. Netið gerir botninn stökkan og gefur bestan árangur á ofngrind.

Því næst er sósa, ostur og álegg sett á.

Notaðu pizzastillingu á ofninum eða bakaðu pizzuna neðarlega í ofni á háum hita með blæstri.

Þegar pizzan er tilbúin er gott að pensla kantana með brauðstangaolíunni okkar.

Leyfðu pizzunni síðan að kólna í nokkrar mínútur, losaðu hana frá pizzanetinu með spaða og njóttu!

Góð ráð:

Ekki henda pizzunni upp í loft. Það lítur faglega út en getur myndað göt í deiginu.

Þegar álegg er sett á er gott að byrja á sósunni, síðan ostinum og því næst áleggi. Ef mikill ostur er settur ofan á áleggið getur það soðnað í stað þess að bakast. Ekki setja of mikið álegg á pizzuna og dreifðu því vel.

Ef loftbólur myndast þegar pizzan er bökuð er gott að stinga á þær strax með gaffli.

Pizzanetið loðir við botninn fyrstu skiptin sem það er notað. Fyrir fyrstu notkun netsins þarf að baka það við háan hita í 10 mínútur. Ekki má þvo netið.

Pizzadeigið okkar er fullkomið í heimagerðar brauðstangir og brauðstangaolían og -kryddið gera þær enn bragðbetri.

Brauðstangir leiðbeiningar:

Stráðu maískurlinu okkar eða hveiti á borðið og flettu deigið út í ferhyrning (um 10×20 cm).

Notaðu pizzaskera til að skera deigið í tvennt langsum og skerðu síðan hvorn helming þversum í um tíu stykki af 2 cm breiðum lengjum.

Snúðu einu sinni upp á hverja lengju, raðaðu þeim öllum á pizzanet og settu á ofngrind.

Bakaðu í miðjum ofni á blæstri við 250°C í 10 mínútur eða þar til þær verða fallega brúnar.

Taktu þær síðan strax af netinu og penslaðu með brauðstangaolíunni okkar.

Einnig getur verið gott að strá yfir þær brauðstangakryddinu okkar, fyrir þau sem vilja meira bragð.

Góð ráð:

Þegar reynsla er komin á brauðstangabaksturinn er hægt að gefa hugmyndafluginu lausan tauminn og fylla þær með til dæmis osti eða beikoni.

Brauðstangaolían hentar líka til steikingar eða sem fylling í bakaðar kartöflur og ýmislegt fleira.

Þú getur líka notað pizzadeigið í annan bakstur, svo sem smábrauð eða pizzasnúða.