Saga
Gómsætt grænmeti, stökkar pizzur og ljúffengar pönnukökur? Með GÅTEBO örbylgjuofni getur þú látið ljós þitt skína í hinum minnstu eldhúsum. Við bættum við nokkrum snjöllum aðgerðum svo þú þurfir ekki að gera pláss fyrir mörg mismunandi tæki í eldhúsinu.
Nanette Weisdal starfar við vöruþróun fyrir eldhúsin okkar. Mikilvægur þáttur í starfi hennar er að rannsaka heimilislíf fólks um allan heim – hvað það borðar, hvernig það notar eldhúsin og hvernig þarfirnar breytast með tímanum.
„Það sem við erum að sjá núna er að fólk býr í litlu rými í stórborgum, með öll þægindi rétt handan við hornið. Oft kaupa þau tilbúinn mat sem þarf aðeins að hita og þau eyða ekki miklum tíma í eldamennsku á virkum dögum.“
Einföld matreiðsla fyrir svanga unglinga
Annað sem þarf að hafa í huga er að mörg börn og unglingar koma heim á undan foreldrunum en þurfa samt að fá sér eitthvað staðgott að borða.
„Það tekur tíma að hita stóran ofn, en með GÅTEBO geta hungraðir unglingar auðveldlega hitað afganga frá því í gær eða eitthvað annað gómsætt. Með loftsteikingarstillingunni geta þau jafnvel eldað stökkt grænmeti eða franskar kartöflur, án þess að þurfa að eiga við heita olíu.“
Stingdu honum í samband hvar sem er
Fjölnota örbylgjuofninn er líka mjög auðveldur í uppsetningu.
Við sjáum að margir, sérstaklega ungir námsmenn, hafa ekki einu sinni aðgang að almennilegu eldhúsi. GÅTEBO er stungið í staðlaðan veggtengil og býður upp á nokkrar aðgerðir, eins og grill og blástur Þegar þú flytur getur þú einfaldlega tekið hann með þér – eða gefið næsta leigjanda.
Jafnvel í rúmgóðu eldhúsi er þægilegt að hafa heimilistæki sem getur sinnt nokkrum hlutverkum. „Já, og þegar þú hefur raunverulega tíma til að elda frá grunni, þá er meira pláss á vinnuborðinu til að skera niður grænmeti og fyrir annan undirbúning. Þá verður eldamennska skemmtilegri.“
