„Ég var beðinn um að hanna þægileg borðstofuhúsgögn með skandinavískum hönnunareiginleikum þar sem útlit, notagildi og gæði haldast í hendur. Ég sótti mér innblástur í náttúruna og hannaði VEDBO línuna með hægindastól sem minnir á notalegt hreiður og sporöskjulaga borð sem kemur vel út með mjúkum og náttúrulegum línum stólanna. Ég vildi matta áferð á borðplötunni eins og á grjóti og til allrar hamingju fundum við plasthúð með þessum eiginleikum sem færir húsgagninu bæði gæði og fegurð.“

Spónaplata er unnin úr endurunnum við og afgöngum frá sögunarverksmiðjum – þannig verður viður sem ekki er í réttum lit, viðarflísar og sag að auðlind í stað þess að enda mögulega sem rusl. Við notum plöturnar í hluti eins og bókaskápa, rúmgrindur, sófa og eldhússkápa. Til að verja þær fyrir sliti og raka setjum við á þær lakk, viðarspón eða filmu sem bætir útlit húsgagnsins.