Close
Fara í körfu
Close

Innköllun

MYSINGSÖ strandstóll

24.01.2017

IKEA hvetur viðskiptavini sem hafa keypt MYSINGSÖ strandstól, til að koma með hann í verslunina og skipta honum eða fá endurgreiddan að fullu.

Eftir að áklæðið hefur verið tekið af til að þvo það, er hægt að setja það aftur á með röngum hætti þannig að það skapi hættu á að stóllinn gefi sig eða að notandi klemmist. IKEA hafa borist fimm tilkynningar um MYSINGSÖ stóla sem hafa tengst óhöppum eftir að hafa verið settir saman á rangan hátt. Í öllum fimm tilvikum slasaðist fólk á fingrum. Þessi tilvik gerðust í Finnlandi, Þýskalandi, Bandaríkjunum, Danmörku og Ástralíu.

Öryggi vöruúrvalsins er í forgangi hjá IKEA og allar vörurnar okkar eiga að uppfylla bæði alþjóðleg og innlend lög, auk viðeigandi staðla. MYSINGSÖ stóllinn hefur staðist margvíslegar prófanir.

Ráðist var í umfangsmiklar rannsóknir eftir að tilkynningarnar bárust. Þessar rannsóknir leiddu til umbóta í hönnun til að koma í veg fyrir að mögulegt sé að setja stólinn rangt saman. Uppfærður stóll verður fáanlegur í IKEA verslunum frá apríl 2017.

Ekki er nauðsynlegt að sýna kvittun til að skila stólnum eða fá hann endurgreiddan. Nánari upplýsingar má nálgast á www.IKEA.is eða í þjónustuveri í síma 520 2500.

IKEA biðst velvirðingar á hvers kyns óþægindum sem þetta kann að valda.