Sigurvegarar í eldhúsleik IKEA

IKEA á Íslandi óskaði eftir þátttakendum í eldhúsleik síðasta vor. Tvö eldhús voru valin og fengu spennandi yfirhalningu. Teymið sem kom að verkefninu samanstóð af reynslumiklu starfsfólki IKEA úr útstillingadeild, af teiknistofu og smiðum. Teiknistofan teiknaði upp bestu lausnina sem hentaði íbúum og útstillingadeild færði því nýtt útlit og hristi upp í gamla góða grunninum. Breytingarnar fólust til dæmis í nýjum framhliðum, klæðningum, borðplötu, heimilistækjum og fleira en eldhússgrunnurinn fékk að standa. Það eina sem þátttakendur þurftu að gera var að treysta okkar færasta fólki og leyfa því að leika lausum hala í eldhúsinu.