Júta eru endingargóðar trefjar sem unnar eru úr stofni jútaplöntunnar. Jútaplantan er auðveld í ræktun, þarf lítið af áburði, skordýraeitri og vatni og er tilbúin til notkunar á 120 dögum. Jútatrefjarnar eru oft notaðar í reipi og poka en er þekkt fyrir silkimjúkan gljáa og það er hægt að spinna þær í fínan þráð sem er svo ofinn. Í vöruúrvali okkar notum við júta oft í vörur eins og gardínur, mottur og húsgögn.

Handofnar mottur byggjast á láréttum þráðum (ívafi) sem eru ofnir yfir og undir lóðrétta þræði (varp). Að vefa svona mottu getur tekið allt frá nokkrum dögum til nokkurra vikna eftir því hversu flókið mynstrið er. Handofnar mottur eru ólíkar öðrum mottum eins og þeim sem eru smyrnaðar þar sem það myndast ekki hátt flos heldur er yfirborðið jafnt og slétt. Þessi tækni hentar vel fyrir flókna hönnun og mynstur og motturnar verða yfirleitt léttar og endingargóðar. Það má líka snúa þeim við og auðvelt að þvo og því eru þessar mottur hagkvæmar og vinsælar.