HIMLAVALV
3D-dýna í ungbarnarúm,
60x120x10 cm

22.950,-

Magn: - +
HIMLAVALV
HIMLAVALV

HIMLAVALV

22.950,-
Vefverslun: Til á lager
Blautar barnadýnur geta valdið vandræðum fyrstu ár barnsins, líkt og ryk og ofnæmi. Þess vegna hönnuðum við þessa dýnu sem hægt er að skola af og láta þorna náttúrulega og áklæði sem hægt er að þvo.
HIMLAVALV 3D-dýna í ungbarnarúm

Skolaðu af dýnunni í sturtunni

Hjá IKEA felst vöruþróun í stöðugri leit að nýjum lausnum við áskorunum fólks, hvort sem það er á fyrstu árum þess eða þegar þau verða eldri. Við þurfum að finna góð og umhverfisvænni efni en einnig snjallari leiðir til að takast á við hversdagsleg vandamál – eins og pissuslys á næturnar. Þegar við hönnuðum HIMLAVALV ungbarnadýnuna leystum við einhverjar af þessum áskorunum með hjálp nýjungagjarns birgis.

Að byrja daginn á því höndla með blautan rúmfatnað er nánast óhjákvæmilegt á fyrstu árum barnsins og eitthvað sem flestir foreldrar geta tengt við. En hvernig er hægt að auðvelda okkur verkin eftir þessi leiðinlegu óhöpp? Það er eitthvað sem Anna Carme hjá Barna IKEA hugsaði um þegar hún og samstarfsfólk hennar fékk það verkefni að þróa nýjar barnadýnur. Sú vinna skilaði meðal annars af sér HIMLAVALV ungbarnadýnunni. Hún er með áklæði sem hægt er að taka af og þvo í vél á meðan þú þværð dýnukjarnann einfaldlega í sturtunni og lætur hann svo þorna vel þar til það er aftur kominn háttatími.

Eins og spaghettí

Anna og teymið hennar fundu efnið í dýnuna hjá birgja sem hefur unnið með fjölmörg efni í dýnur síðan á fjórða áratugnum. Undanfarin ár hefur hann verið að þróa tækni sem gerir honum kleift að afrita bestu eiginleika náttúrulega efna í framleiðslu á filmuplasti (LDPE), plasti sem er meðal annars notað í matvælaumbúðir. Anna lýsir nokkuð furðulegri framleiðsluaðferðinni: „Efnið er brætt og svo þrýst í gegnum eitthvað sem líkist stóru sigti“ , segir Anna. „Út koma heitar spaghettílagaðar lengjur sem lenda í vatnsgeymi þar sem þær eru snögg kældar og storkna í stórar plötur sem eru svo skornar niður í rétta stærð.“ Kosturinn við að kjarni dýnunnar er svona opinn er að loft kemst vel í gegnum spaghettílengjurnar og hann gefur jafnframt vel eftir og er þægilegur.

Notalegt svefnumhverfi

Léttur og opinn kjarninn í HIMLAVALV dýnunni veitir gott loftflæði og hefur því ekki mikil áhrif á líkamshita barnsins, sem er mikilvægt fyrir öruggt og notalegt svefnumhverfi. Eins og með allar aðrar vörur úr Barna IKEA hefur dýnan farið í gegnum krefjandi prófanir þar sem ströngustu öryggisreglum sem gerðar hafa verið er fylgt eftir. „Meðal annarra prófana sem ungbarnadýnan hefur staðist er þéttleikapróf þar sem tryggt er að höfuð barnsins sígi ekki of langt ofan í dýnuna.“ Vinnan við þessa nýju dýnu hefur verið krefjandi, bæði fyrir birgjan og Barna IKEA. Það var mikilvægt að geta tekið alla hlutana í sundur svo það væri hægt að endurvinna bæði dýnukjarnann og áklæðið þegar endingartíma dýnunnar er lokið. „Nýsköpunarvinna getur verið flókin“, segir Anna. „En einnig mjög spennandi og nauðsynleg til að við getum tekist á við áskoranir daglegs lífs.“

Sjá meira Sjá minna

Efni

Hvað er pólýester?

Pólýester er endingargott, einangrandi efni sem þornar hratt og er tilvalið í vefnað eins og fyllingu í kodda, sængur og húsgögn. Efnið er unnið úr hráolíu sem er takmörkuð auðlind. Þar sem IKEA vill leggja sitt að mörkum í að draga úr notkun hráolíu erum við smám saman að skipta yfir í endurunnið og rekjanlegt pólýester sem meðal annars er unnið úr PET-flöskum. Það sem er gott við pólýester er að það er hægt að endurvinna það aftur og aftur án þess að það tapi eiginleikum sínum.


Bæta við vörum

Aftur efst
+

Vöruvöktun

Áætlað magn

Tilkynning hefur verið stillt

X