Fyrir mikilvægar hversdagsstundir

Oft gengur mikið á við eldhús- og borðstofuborðið – við vinnum, föndrum, flokkum þvottinn og auðvitað borðum. Í GRÅSALA línunni eru sterk og endingargóð borð og stólar á hagstæðu verði. Við fengum innblástur frá mjög krefjandi umhverfi.

Fullorðnir eru kannski með blendnar tilfinningar gagnvart skólaárunum, en ef þú ert húsgagnahönnuður getur skólinn veitt þér innblástur samkvæmt Magnus Wernersson, vöruhönnuði hjá IKEA. „Líkt og skólastóll hentar GRÅSALA mismunandi líkamsbyggingum. Hann þolir mikla umgengni og endist lengi – en hann er aðeins þægilegri en skólastólarnir sem við erum vön,“ segir hann brosandi.

Þægilegur og tímalaus

Teymið gerði stólinn þægilegan með bólstruðu sæti ásamt smáatriðum sem gera langar setustundir þægilegri. „Við völdum sveigjanlegt efni í stólbakið svo það dúar aðeins. Stálstöngin á barstólunum veitir góðan stuðning fyrir fæturna.“ Við fengum líka einhvern innblástur frá eldri IKEA vörum. „Sveigðar línur borðsins minna svolítið á 8. áratug 20. aldar. Tímalaus hönnun sem passar við alls konar innanhússtíl.“

Einfalt að stafla og færa til

Sveigjanleiki og notagildi voru ofarlega á lista við hönnun GRÅSALA. Þess vegna er hægt að stafla stólunum til að gera pláss fyrir jóga eða dansgólf. Ef þú átt tvö borð getur þú sett þau saman til að bjóða mörgum í mat. Grái liturinn var vandlega valinn. „Hann er tímalaus og hlutlaus litur með rými fyrir skraut í þínum stíl.“