Saga
Í fyrstu líta stóri og smái STRANDMON stólarnir eins út. Þó eru þeir afar frábrugðnir. Þegar við gerðum barnaútgáfu af þessum klassíska hægindastól byggðum við hann á stærð barna, hvernig þau sitja – eða sitja ekki þegar stóllinn breytist skyndilega í eyðieyju eða geimflaug. Fyrir barn að eiga sinn eiginn örugga og þægilega hægindastól í réttri stærð er mikilvægara en okkur fullorðna fólkinu órar fyrir.
Þú gerðir það líklega sem barn; ímyndaðir þér að þú værir að keyra bíl, að vinna á skrifstofunni, elda mat ... alla þessa hluti sem foreldrar og aðrir fullorðnir gera. Börn gera þetta enn og staðreyndin er sú að það er mikilvægur og þýðingarmikill leikur fyrir börn samkvæmt breska barnasálfræðingnum Barbie Clarke, sem hefur gert yfirgripsmiklar rannsóknir á börnum og þeirra þroska. „Börn herma eftir fullorðnum til að endurskapa reynslu svo þau skilji betur heiminn í kringum sig og hvert þeirra hlutverk er í þessum heimi." Það er því ekki að undra að POÄNG hægindastóllinn sem við gerðum í barnastærð fyrir nokkrum árum varð svo vinsæll. Þessi velgengni leiddi til þess að vöruhönnuðurinn Nicolas Cortolezzis og samstarfsfólk hans litu á hægindastólana okkar með nýju sjónarmiði. Hvaða hægindastóll yrði vinsæll í barnastærð?
Lagað að smáum kroppum
STRANDMON varð fyrir valinu, sígildur hægindastóll sem fær innblástur frá einum hægindastól okkar frá því snemma á sjötta áratugnum. „Hann er tímalaus, notalegur og umvefur þig. Svolítið eins og þú sitjir í faðmlagi", útskýrir Nicolas. Til að gera barnastól er ekki nóg að gera minni útgáfu af fullorðinsstól þar sem sá stóll væri líklega ekki mjög þægilegur fyrir börn. „Börn eru með önnur hlutföll en fullorðnir og sitja ekki eins og við. Þau hreyfa sig meira og setja fæturna upp og því er stóllinn með föstu sæti en ekki lausum púða eins og fullorðinsstóllinn." Nicolas og teymið hans unnu hörðum höndum að öryggi og vinnuvistfræði til að gera barnastólinn stöðugan og þægilegan fyrir börn sem sitja eins og þeim hentar. Að auki eru fæturnir staðsettir á öðrum stað til að laga hann að notkun barna á hægindastólnum
Þægindin við að ná niður á gólf
Ef þú skoðar litla og stóra STRANDMON stólana í nálægð sérð þú enn meiri mun. Til dæmis efnið – við vitum að þörf er á betri endingu þar sem ekki aðeins er setið í stólnum. Stundum er hann notaður sem eyðieyja eða heimsins hæsta fjall. Að eiga sinn eiginn hægindastól snýst ekki aðeins um að herma eftir foreldrum sínum eða ömmum og öfum. Barnið vill viðurkenningu og virðingu. „Fullorðnir gleyma stundum hversu lítil börnin eru í raun", segir Barbie. „En ef börnin sitja í stól í réttri stærð og ná niður í gólfið með fótunum þá líður þeim eins og þau passi betur inn í umhverfið. Líkt og þegar þau fá bók við sitt hæfi, sjónvarpsefni eða aðra hluti sem eru lagaðir að stærð og aldri þeirra. Það er þeim afar mikilvægt."