Ný skref í átt að sjálfbærara eldhúsi

Fyrir nokkrum árum hönnuðum við eldhúsframhliðar með plastþynnu úr endurunnu PET-plasti. Það var mikilvægt skref í að líta á allar PET-flöskurnar sem notaðar eru um heim allan sem hráefni. Þegar kom að því að stækka eldhúsvöruúrvalið með nýjum BODARP framhliðum fékk starfshópur hjá IKEA tækifæri til að vinna með sama efni. Í þetta skipti vildi hópurinn þó fara enn lengra í að búa til sjálfbærari eldhúsframhliðar.

Það hvarflaði aldrei að vöruhönnuðinum Sara Åberg og starfshópnum hennar að gera bara nýjar eldhúsframhliðar í nýjum lit. Þau vildu nýta nýja þekkingu á bæði vönduðu og sjálfbæru efni. „Ör tækniþróun gerir okkur kleift að nota nýja útgáfu af plastþynnu, nú úr endurunnu PET-plasti – og það rispast líka síður!“ segir Sara.

Saman mynda lítil skref stórt stökk

Við trúum að mörg lítil skref myndi á endanum stórt stökk í átt að sjálfbærari vörum. Eitt skrefið var að minnka magn viðs í spónaplötum framhliðanna án þess að fórna gæðum og BODARP fer í gegnum sömu ströngu próf og allar aðrar IKEA framhliðar. „Staðreyndin er sú að þær eru 10-15% léttari en aðrar framhliðar. Það hljómar kannski ekki mikið en þar sem IKEA framleiðir margar gerðir af eldhúsum sparar það heilmikinn fjölda af trjám,“ útskýrir Sara.

100% endurnýjanleg orka

Það var ekki bara efnið sem þau sóttust eftir – samstarf við birgjann var eftirsótt af nokkrum ástæðum. „Þau búa yfir heilmikilli þekkingu á eldhúsframhliðum og nota endurnýjanlegt rafmagn frá sólar-, vind- og vatnsorku ásamt viðarbraki úr framleiðslunni.“ Til að tryggja framleiðsluna þurftu þau einn samstarfsaðila í viðbót og starfshópnum var ljóst að endurnýjanleg orka þurfti að vera hluti af öllu framleðisluferlinu. Sara er ánægð með framvindu mála og vinnu starfshópsins en bætir líka við: „Þetta eru mjög fínar eldhúsframhliðar sem hver getur sérsniðið að sínum stíl. Sígilt eða nútímalegt útlit – þitt er valið.“