22950

Hirsla sem tekur þátt í leiknum

Það er ekki alltaf auðvelt að halda röð og reglu í barnaherberginu. Ein lausnin er að velja hirslur sem börnunum finnst skemmtilegt að nota. VITBJÖRN hirslan er eins og lítið hús að utan en að innan er gott pláss fyrir leikföng, föt og aðra hluti sem þurfa að eiga sitt pláss.

Hirsluhúsgögn fyrir börn þurfa að vera hagnýt, traust og örugg – öryggi er eitthvað sem við leggjum mikla áherslu á. En það þýðir ekki að þau þurfi að líta út eins og hefðbundin kommóða eða fataskápur. Við leitum sífellt að nýjum lausnum sem eru öruggar og skemmtilegar og þannig varð VITBJÖRN sígilt hús með rauðu þaki til. „Þetta er form sem barn á auðvelt með að þekkja, “ segir hönnuðurinn Charlie Styrbjörn.

Innblástur frá ískistunni

VITBJÖRN er lítið en öflugt húsgagn. Með skúffu á hjólum og góða hirslu á bak við rennihurðirnar í þakinu. Hægt er að komast að skúffunni og hirslunni í þakinu frá báðum hliðum hússins þegar VITBJÖRN er frístandandi eða með aðra styttri hliðina upp að vegg. Innblásturinn að rennihurðunum kom frá barnæsku Charlie. „Ég elskaði að renna til lokunum á ískistunni í búðinni til að komast að ljúffengum ísnum.“ Skilrúm í miðju efri hirslunnar auðveldar þér að halda hafa skipulag á innihaldinu – og þá er einnig erfiðara fyrir uppátækjasöm börn að skríða upp í hirsluna.

Hirsla barnanna

Ef skúffunni er rúllað undan hirslunni er komið gott rými fyrir leikfangabílskúr, risaeðluhelli eða kannski leynikofa. Þegar leik lýkur er svo einfalt að rúlla henni aftur á sinn stað. „Ég vona að VITBJÖRN komi til með að veita börnunum innblástur fyrir nýja leiki en einnig að það auðveldi þeim að ganga frá og taka ábyrgð á hlutunum sínum. Þannig verður VITBJÖRN meira hirslan þeirra.“