Gegnheill viður er uppáhaldshráefnið okkar og hluti af skandinavískri arfleifð okkar. Hann er sígildur og hægt að nota í margt. Viður er endingargóður, fallegur og endurnýjanlegur, óháð tegund. Við leitumst við að nýta þetta hráefni á skynsaman og skilvirkan hátt til að forðast sóun – og við fjárfestum í aðstöðu og flutningum til að við getum aukið notkun á endurunnum við.

Með hönnun NEREBY línunnar vildi ég skapa snjallar hirslulausnir sem einnig færðu hlýju og mýkt í eldhúsið sem oft er bert og kuldalegt. Ég leit til hefðbundinna eldhúsa, húsbíla og báta fyrir innblástur og valdi heiðarleg og sjálfbær efni eins og hamp. Helstu eiginleikar? Sennilega hvernig málmurinn, viðurinn og textíllinn blandast á einfaldan og látlausan hátt. Ég vona að fólki líki vel þessar yndislegu viðbætur í eldhúsið.