„Þegar ég hannaði TÄRNABY vildi ég búa til lampa sem gefur frá sér fallega, mjúka og hlýlega birtu. Ég fékk innblástur frá gömlum olíulömpum og notaði gler þannig að ljósaperan er sýnileg og verður hluti af útlitinu, líkt og logarnir í gömlu lömpunum. Ég vildi einnig tileinka lampanum fjölhæfni olíulampanna og því er hann með dimmi – og þó hann sé með snúru er auðvelt að færa hann til eftir hentugsemi.“

Gler er að mestu úr sandi, natróni og kalki sem er brætt á háum hita. Hægt er að herða glerið eða bæta við það mismunandi aukaefnum til að gera það einstaklega sterkt og höggþolið og í sumum tilfellum má jafnvel taka það úr frysti og setja beint í heitan ofn án þess að það springi. Stór kostur við glerið er að það er hægt að endurvinna það aftur og aftur án þess að það tapi gæðum. Það þarf líka minni orku til að bræða endurunnið gler en til að framleiða nýtt gler. Markmið okkar er að nota eingöngu endurunnið gler í vöruvali okkar í framtíðinni.