Þú finnur ryðfrítt stál í allt frá byggingamannvirkjum og bílum til vaska og hnífa, Það er auðvelt að sjá hvers vegna það er notað í svona margt. Ryðfrítt stál er hart og endingargott og tærist lítið – sem sagt ryðgar ekki. Það inniheldur vanalega lítið af nikkeli og í IKEA vörur er aðallega notað nikkelfrítt stál. Eins og með marga aðra málma er hægt að endurvinna það aftur og aftur í nýja slitsterka hluti – án þess að það tapi dýrmætum eiginleikum sínum.

Þykkt hliðanna og botnsins á pönnunni getur haft áhrif á eldamennskuna þína. Þunnir botnar hitna fljótt en maturinn festist mun auðveldlega. Þessir botnar henta best með gashelluborðum sem taka fljótt og nákvæmlega við sér þegar þú stillir hitann. Þykkir botnar eru lengur að hitna en dreifa hitanum jafnar þannig að maturinn eldast frá öllum áttum. Þú færð bestu útkomuna ef þú velur pönnu sem hentar þínu helluborði og þeim mat sem þú ert að elda.