VINTERSAGA þýðir „vetrarævintýri“ á sænsku. Vörurnar hjálpa þér að gera jólahátíðina ævintýralega notalega – ljúffengt súkkulaði, jólaglögg og alls kyns piparkökur.

„Ég elska bæði jólin og IKEA og því var það draumi líkast að fá að vinna í VINTERFINT, STRÅLA og VINTERSAGA vörulínunum. Hönnunin mín er mínimalísk en þó geómetrísk og innblásin af módernisma og þjóðlist. Í mynstrunum lék ég mér með stærðarhlutföll og sögur þar sem fígúrurnar verða hluti af stórri og litríkri jólahátíð. Ég vona að líflegu jólavörurnar auðveldi þér að pakka inn gjöfum, skreyta og njóta jólanna!“

Ertu á leið heim eða til vina? Það er alltaf hægt að bæta smá sætindum við jólaundirbúninginn. VINTERSAGA jólagjafakassinn er líka tilvalinn sem gjöf. Fallegur kassinn inniheldur 15 góða konfektmola með þrem mismunandi bragðtegundum. Þú getur gefið kassann einan og sér eða smeygt honum með annarri stærri jólagjöf.