Saga
UPPLÝSINGAR UM LAUSNIR FYRIR GLUGGANN
Með lögum af mismunandi tegundum af gardínum getur þú gert gluggann notalegan og síbreytilegan. Það er fegurð sem býr yfir hagnýtri virkni – gardínur sem hægt er að draga frá og fyrir eftir þörfum til að stilla af birtu, hljóð, hita og næði. Leyfðu okkur að vísa þér á réttu lausnina fyrir þig.
Þrjú lög af hitastýringu
Vissir þú að þú getur stillt hitastigið með gardínunum? HOPPVALS gardínurnar eru með vaxkökulagi sem einangrar hita og heldur rýminu heitara á veturnar og svalara á sumrin.
Fyrir ljúfar næðisstundir
Með lagskiptum gardínum getur þú stýrt birtu, hljóði, hitastigi og útliti á persónulegan hátt. Ásamt því að ráða hversu mikið eða lítið næði þú færð.
Slakaðu á
Við þurfum öll góðan stað til að hlaða batteríin eftir langan dag til að vera tilbúin í þann næsta. Með þremur lögum af gardínum sem dempa ljós og hafa róandi yfirbragð getur þú haft svefnherbergisgluggann eftir þínu höfði.
Næturvaktin
Þarftu að ná upp svefni? Myrkvaðu svefnherbergið algerlega með myrkvunargardínum í innsta laginu. Þykkar gardínur að utanverðu færir þér róandi yfirbragð og dempar umhverfishljóð.
Því það er öruggara
Við trúum því að börnin séu mikilvægasta fólkið í heiminum. Því höfum við breytt gardínunum okkar þannig að þær séu eins öruggar og hægt er. Við eyddum fjórum árum í að finna aðra kosti og þar sem það var ekki hægt fjarlægðum við vöruna úr vöruúrvali okkar. Svo nú eru allar IKEA rúllugardínur fullkomlega öruggar fyrir börn. Bless snúrur, halló hugarró.
Svona mælir þú fyrir gardínunum þínum
Hluti leyndarmálsins til að fá fallegar lagskiptar gardínur fyrir gluggann er að mæla hann rétt. 1. Breidd gluggans (a) Þessi mæling ákvarðar lengd gardínustangarinnar eða gardínubrautarinnar. Bættu að minnsta kosti við 15 cm hvoru megin við mælinguna til að tryggja að gardínurnar hylji gluggann alveg. 2. Lengd gardínanna (b) Þessi mæling ákvarðar sídd gardínanna eða flekanna. Mældu frá efri brún gluggans og stoppaðu þar sem þú vilt að gardínurnar eða flekarnir nái. Þumalputtareglan hér er að bæta 15 cm við mælinguna. Festu gardínustöngina eða gardínubrautina 15 cm fyrir ofan gluggann.
