Við notum vafrakökur á vefsíðunni til þess að bæta þjónustu til viðskiptavina okkar. Ef þú heldur áfram án þess að breyta stillingum samþykkir þú notkun þeirra. Sjá nánari upplýsingar

Snjallgardínur – fyrstu skref og notkunarleiðbeiningar

Fyrstu skref


Hvernig set ég upp gardínuna?

Það er í raun afar einfalt – þú fylgir leiðbeiningum sem fylgja.


Þarf ég rafvirkja til að setja upp rafknúnar gardínur?

Nei, gardínunum fylgja endurhlaðanlegar rafhlöður og því þarf ekki að eiga við rafmagnssnúrur.


Hvernig virka þráðlausu gardínurnar?

Þú getur stýrt gardínunum með meðfylgjandi fjarstýringu eða IKEA Home smart appinu (aðgengilegt fyrir IOS og Android), í gegnum TRÅDFRI gátt (seld sér). Ein fjarstýring (sem er tengd) eða IKEA Home smart appið geta einnig stýrt nokkrum gardínum í einu. Þú getur dregið gardínurnar varlega niður ef rafhlaðan klárast.


Hvernig para ég gardínurnar við meðfylgjandi fjarstýringu?

Hver gardína er þegar pöruð.


Hvernig aftengi ég gardínurnar?

Fylgdu sömu leiðbeiningum og til að para gardínurnar.


Get ég parað sömu fjarstýringu við nokkrar FYRTUR eða KADRILJ rúllugardínur?

Já, fylgdu þessum skrefum til að para fleiri gardínur:

  1. Opnaðu bakhliðina á fjarstýringunni og finndu pörunarhnappinn.
  2. Ýttu stutt á báða hnappana á gardínunni. Búnaðurinn er nú ræstur og tilbúinn í pörun í tvær mínútur.
  3. Haltu fjarstýringunni mjög nálægt þráðlausu rúllugardínunni sem þú vilt bæta við (ekki í meira en 5cm fjarlægð frá rafhlöðuloki gardínu).
  4. Ýttu og haltu pörunarhnappinum inni í að minnsta kosti 10 sekúndur á fjarstýringunni.
  5. Stöðugt rautt ljós lýsir á fjarstýringunni. Á þráðlausu rúllugardínunni blikkar hvítt ljós rólega þar til búnaðurinn er paraður.

Þú getur parað allt að fjórar gardínur. Athugaðu að ef þú ert með fleiri en eina gardínu gætu þær farið upp og niður á mismunandi hraða, en það er eðlilegt.


Hvar finn ég pörunarhnappinn á fjarstýringunni?

Pörunarhnappurinn er innan í fjarstýringunni.


Hvernig tengi ég gardínurnar við IKEA Home smart appið?

Þú þarft TRÅDFRI gátt til að nota IKEA Home smart appið. Þú getur sótt appið þér að kostnaðarlausu í Google Play eða App Store, eftir því hvernig búnað þú ert með. Upplýsingar um hvernig á að para og bæta við gardínum finnur þú í IKEA Home smart appinu.

Niðurhal fyrir Android

Niðurhal fyrir iOS





Notkunarleiðbeiningar


Hvernig stýri ég gardínunum með fjarstýringunni?

Gardínurnar fara upp eða niður án þess að stoppa ef þú ýtir einu sinni snöggt á hnappinn. Ýttu einu sinni til að stöðva þær. Ekki ýta oftar en einu sinni þar sem það gæti sent misvísandi skipanir til gardínanna.


Hvernig endurstilli ég fjarstýringu á grunnstillingu?

Ýttu á pörunarhnappinn á fjarstýringunni fjórum sinnum.


Get ég fest fjarstýringuna við vegginn?

Já, þú getur fest hana með því að nota límið á veggfestingunni fyrir fjarstýringu. Þú getur einnig fest veggfestinguna með skrúfum.


Hvernig stilli ég hámarkslengd á gardínunum?

Færðu gardínurnar á æskilega lengd með fjarstýringunni eða hnöppunum á gardínunum. Þegar gardínurnar hafa náð stöðunni ýtur þú tvisvar á upp eða niður hnappinn á gardínunum til að vista stöðuna sem hámarkslengd á gardínum.


Get ég stýrt gardínunum með raddskipunum?

Já, skoðaðu vöruupplýsingar á vefnum okkar fyrir nánari upplýsingar.


Frá hvaða fjarlægð get ég stýrt gardínunum?

Fjarstýringin getur stýrt gardínunum frá allt að 10 metrum. Með TRÅDFRI gátt og IKEA Home smart appi getur þú stýrt gardínunum hvaðan sem er, svo lengi sem búnaðurinn er ert tengdur sama WiFi og gáttin.


Er hægt að tímastilla gardínurnar?

Já, með IKEA Home smart appinu.


Hvernig endurstilli ég gardínurnar á grunnstillingu?

Ýttu á báða hnappana á gardínunum í meira en fimm sekúndur.