Væntanlegt 21. maí
Fyrir okkur snýst hönnun um gagn og gaman. Góð hönnun býr yfir gæðum sem endast og notagildi – frábær hönnun er á verði sem ögrar hugmyndinni að hönnunarvörur séu aðeins fyrir útvalda. Nú kynnum við til leiks IKEA PS 2026 – vörur sem kalla fram bros, eru nytsamlegar en skemmtilegar og vandaðar en glettnar.
Dýnamísk hönnun
Vörulínan snýst um hreyfingu. Hönnuðirnir okkar 12 unnu sig áfram með því að ögra nánast öllu, allt frá því hvernig við notum efnivið til þess hvernig við fáum meira notagildi úr vörunum. Ekkert er fast í hefðum og allt er dregið í efa.
David Wahl
David hefur gaman af því að kafa ofan í tæknihliðar hönnunar og er alltaf að leita eftir nýjum leiðum til að einfalda sniðugan búnað. Hann er ófeiminn við að viðurkenna að því fleiri takmarkanir og áskoranir sem fylgja verkefni, því áhugaveraðara finnst honum það. Hliðarborðið er fullkomið dæmi um það, sem og loftljósið sem hann hannaði fyrir IKEA PS 2014 (oft talað um það sem Star Wars ljósið).Borð sem smellur
„Við vorum í stanslausu stríði við lögmál eðlisfræðinnar og það tók okkur meira en ár að fullkomna læsingarbúnaðinn til að fá handfangið til að virka nákvæmlega eins og við vildum.“David Wahl, hönnuður
Lex Pott
Lex er hönnuður frá Hollandi sem leggur áherslu á verklega sköpun. Hann er drifinn áfram af forvitni og helgar sig hönnun sem færir bæði gleði og notagildi inn á heimilið. Hlutirnir hans í línunni eru innblásnir af rúmfræðilegum formum þar sem hann prófar sig áfram með hráefni og áferð.Lampi sem bognar
„Þegar þú snýrð lampanum breytir það ekki aðeins birtunni, heldur andrúmsloftinu í rýminu. Við einfölduðum hönnunina en ekki er allt sem sýnist því um leið og þú byrjar að nota hann kemur hann þér skemmtilega á óvart.“Lex Pott, hönnuður
Maria Vinka
Maria hefur safnað blómavösum frá því hún var 12 ára. Stílnum hennar er oft lýst sem leikandi og hún hefur gaman af því að skapa karaktera í hönnunarverkum sínum. Hún hefur hannað fyrir IKEA frá árinu 1997 og þetta er sjöunda IKEA PS línan sem hún tekur þátt í.Vasar sem heyra
Maria vann með meistara í glerblæstri við að skapa þessa duttlungafullu, einstöku karaktera í þremur stærðum. Hver glervasi er munnblásinn af færu handverksfólki.
Lukas Bazle
Lukas byrjar gjarnan hönnunarverkefnin á að kynnast einstökum eiginleikum og möguleikum efnisins sem hann ætlar sér að nota. Hann hefur gaman af því að endurhugsa hvernig við gerum hlutina og er alltaf á höttunum eftir einföldum lausnum. Notagildi er ávallt í fyrirrúmi hjá honum og það í bland við tæknimenntun hans gerði hann að frábærum hönnuði fyrir IKEA PS línuna.Skermur sem ljómar
Áberandi pappírsskermur í fullkominni stærð sem gefur frá sér stemningslýsingu og beinir ljósinu niður.
Ola Wihlborg
Frá unga aldri hefur Ola spurt sig: „Hvernig get ég gert þetta betur?“ Hann hefur gaman af því að finna snjallar leiðir til að hámarka nýtingu á efnivið og halda kostnaði niðri. Hann lærði um handverk og burðarvirki í sínu fyrsta starfi á málmsmíðaverkstæði og það eru þeir tveir þættir sem hann beitir alltaf í hönnunarferlinu. Þetta er hans fimmta IKEA PS lína.Borð sem krossar
„Borðið er stöðugt og sterkt en þú getur þó auðveldlega fellt það saman til að skapa pláss.“Ola Wihlborg, hönnuður
Ellen Hallström
Áskoranir eru það sem Ellen kann að meta í hönnunarferlinu. Hún býr yfir fjölbreyttri og kraftmikilli færni í starfi enda með skapandi bakgrunn í sviðsmyndahönnun, kvikmyndum og iðnhönnun. Hún er fædd og uppalin í Svíþjóð og var ánægð með að fá að skapa nútímalegar skandinavískar vörur fyrir línuna.Stóll sem hangir
„Hann er léttur þannig að þú getur hengt hann upp á vegg – þá minnir hann á listaverk í kúbískum stíl.“Ellen Hallström, hönnuður
Marta Krupińska
Marta ólst upp í litlum bæ í Póllandi, svipuðum að stærð og Älmhult í Svíþjóð. Hún hóf störf í hönnunardeild IKEA árið 2021 og í dag líta margir á hana sem frumkvöðul innan fyrirtækisins. Bekkurinn hennar er hugvitssamlegur en þó einfaldur og sýnir okkur hvað þarf lítið til að færa heimilinu leikgleði.Bekkur sem ruggar
„Frá fyrstu frumgerð tók ég eftir því að fólk gat ekki stillt sig. Það settist niður, byrjaði að rugga og fékk aðra til að rugga með sér. Húsgögn geta nefnilega kallað fram leikgleði og forvitni, einnig hjá fullorðnum.“Marta Krupińska, hönnuður
Mikael Axelsson
Þetta er önnur IKEA PS línan sem Mikael hannar en hann hefur starfað hjá IKEA í 14 ár. Þótt hann haldi því fram að uppáhaldsliturinn hans sé drapplitur elskar hann að nota líflega liti á heimilinu (eins og sést á skærgræna litnum sem hann valdi á uppblásna hægindastólinn). Hann hefur brennandi áhuga á að skapa húsgögn sem hægt er að njóta í mörg ár.Stóll sem dregur andann
Eftir ýmsar tilraunir í gegnum tíðina til að hanna nothæf uppblásanleg húsgögn fær eitt slíkt loksins að líta dagsins ljós! Uppblásanlegur stóll sem færir þér þægindi sem eru aldeilis ekki úr lausu lofti gripin!
Henrik Preutz
Ef þér finnst gaman að tala um stóla ættirðu að fá þér sæti hjá Henrik. Á árum sínum hjá IKEA hefur hann hannað yfir 300 vörur, þar af tugi stóla. Henrik er sænskur hönnuður og er þekktur fyrir að vera mjög raunsær. Hann leggur mikla áherslu á að hönnunin sé ekki aðeins hagnýt og falleg heldur einnig fínstillt og aðlöguð að framleiðsluaðferðum birgja okkar.Stóll sem bakkar
Stóllinn er innblásinn af ys og þys daglegs lífs og nýtir plássið sem best með því að færa þeim sem situr fleiri möguleika til að koma sér vel fyrir.
Friso Wiersma
Friso hefur starfað sem bátasmiður, húsgagnasmiður og trésmiður. Ást hans á hráefnum og víðtæk handverkskunnátta er afar sýnileg í hönnun hans. Friso hefur hannað fyrir IKEA frá árinu 2018 og unnið að mörgum vörulínum, þar á meðal OBEGRÄNSAD sem var gerð í samstarfi við raftónlistarhópinn Swedish House Mafia.Skápur sem fléttar
„Þú sérð hreyfinguna í handverkinu. Þessi skápur er virðingarvottur til trésmiðanna í verksmiðjum okkar – þar sem handverk er í hávegum haft og fær að njóta sviðsljóssins.“Friso Wiersma, hönnuður
Matilda Lindstam Nilsson
Mýkt, góðvild, húmor og glæsileiki er það sem Matilda leitast eftir í hönnun sinni og er einmitt svo lýsandi fyrir svefnstólana í vörulínunni. Matilda er frá Smálöndum í Svíþjóð, þar sem IKEA varð til, en hún hefur mjög gaman af því að vinna með öðrum þegar hún hannar vörur.Stóll sem stækkar
Retró hægindastóll, hannaður fyrir lítið rými og breytist úr uppréttu sæti í notalegan hægindastól og svo í rúm í fullri lengd.
Michelle Armas
Michelle hannaði mynstrin á vefnaðarvörunum í línunni. Hún ólst upp í Texas í Bandaríkjunum en foreldrar hennar hvöttu hana frá unga aldri til að leggja rækt við sköpun og list. Í dag er hún abstrakt listmálari og deilir reynsluheimi sínum með öðrum í gegnum kennslu.Vefnaður sem blómstrar
Draumkennt, lífrænt, óhlutbundið, litríkt – mynstrin á vefnaðarvörunum í línunni fanga gleðina sem fylgir sönnum tengingum.
Sagan á bak við IKEA PS
Í upphafi tíunda áratugarins neyddumst við til að líta í eigin barm og endurskoða stöðu okkar í hönnunarheiminum. Við framleiddum vissulega húsgögn, en var það hönnun?
Allir í kringum okkur virtust vera að selja skandinavíska hönnun – á furðu háu verði. Var ekki skandinavísk hönnun okkar ær og kýr? Af hverju var hún svona fáranlega dýr? Ætti skandinavísk hönnun ekki að vera aðgengileg mun fleirum en bara þeim efnameiri? Jú! Hér var okkar tækifæri!
Árið 1995 kynntum við fyrstu IKEA PS vörulínuna á húsgagnasýningu í Mílanó. Á sama tíma tileinkuðum við okkur nýja hönnunarstefnu sem við fylgjum enn í dag og köllum Democratic Design, eða lýðræðislega hönnun. Síðan þá hafa komið út níu IKEA PS línur til viðbótar, sem allar miða að því að gefa sem flestum færi á lýðræðislegri hönnun.
Línurnar eiga það allar sameiginlegt að standa fyrir skandinavíska hönnun. Rætur okkar liggja í skandinavískum einfaldleika þar sem það að strípa í burtu, í stað þess að bæta á, gerir vörurnar enn áhugaverðari.
Við gerum allt sem við getum til að færa þessum vörulínum dýnamík en við tókum þessa línu skrefi lengra til að koma fegurð einfaldleikans á framfæri og gera hið óvænta aðgengilegt sem flestum.
