IKEA innkallar ákveðnar útiljósaseríur og útiljós úr eftirtöldum vörulínum þar sem rafmagnstengill stenst ekki öryggiskröfur. Vörurnar sem um ræðir eru úr LEDLJUS, SOMMARLÅNKE, STRÅLA, SVARTRÅ og UTSUND vörulínunum.

IKEA hvetur alla viðskiptavini sem eiga tilgreinda útilýsingu úr LEDLJUS, SOMMARLÅNKE, STRÅLA, SVARTRÅ og UTSUND vörulínunum til að taka þær úr umferð, skila í IKEA og fá endurgreitt. Vegna framleiðslugalla uppfyllir rafmagnstengillinn ekki öryggisstaðla sem getur leitt til rafstuðs. Hægt er að sjá hvort varan falli undir innköllunina á heitinu á LED spennubreytinum, dagstimplinum á LED spennubreytinum og heitinu á rafmagnstenglinum (sjá nánari upplýsingar hér að neðan).

Þær vörur sem eru innkallaðar eru:
LEDLJUS LED ljósasería, úti, svart, 24 ljósa
LEDLJUS LED ljósasería, úti, svart, 64 ljósa
SOMMARLÅNKE LED gólflampi, 100 cm, úti, drappað
SOMMARLÅNKE LED ljósasería, úti, marglitt, 12 ljósa
STRÅLA LED ljósasería, úti, gyllt, blikkandi stjörnur, 24 ljósa
STRÅLA LED ljósahengi, úti, stjörnur, 48 ljósa
SVARTRÅ LED ljósasería, úti, svart, 12 ljósa
UTSUND LED ljósasería, úti, svart, 24 ljósa

Heiti umrædds spennubreytis: ICPSH24-2-IL-1
Eftirtaldir dagstimplar á spennubreytinum ICPSH24-2-IL-1 falla undir innköllunina (ÁÁVV):
2138, 2141, 2148, 2209, 2215, 2224, 2231, 2236, 2320, 2326, 2332, 2336, 2347, 2409, 2413, 2421, 2423, 2424, 2426, 2434, 2437
Heiti umrædds rafmagnstengils: SYK-02F 
 

Hvers vegna er ekki öruggt að nota þessar vörur?

Öryggi er alltaf efst á forgangslista IKEA og því hefur verið ákveðið að innkalla ákveðnar útiljósaseríur og útiljós úr LEDLJUS, SOMMARLÅNKE, STRÅLA, SVARTRÅ og UTSUND vörulínunum.

IKEA vörur fara í gegnum áhættumat og ítarlegar prófanir til að tryggja að þær uppfylli gildandi kröfur og reglugerðir á markaðssvæðum þar sem IKEA er starfrækt.

Þrátt fyrir það höfum við verið upplýst um að vegna framleiðslugalla þá uppfylli ákveðnir rafmagnstenglar fyrir ofangreindar vörur ekki viðeigandi öryggisstaðla um vatnsþéttni. Því innköllum við LED útiljósaseríur og útiljós sem eru með þessa gölluðu rafmagnstengla. Hægt er að þekkja þær vörur sem falla undir innköllunina á heiti LED spennubreytisins (ICPSH24-2-IL-1), dagstimplum (ÁÁVV – sjá umrædda dagstimpla hér að ofan) á spennubreytinum og heiti rafmagnstengilsins (SYK-02F). Vörur sem eru með annan spennubreyti, aðra dagstimpla og annan rafmagnstengil falla ekki undir innköllunina.
 

Hvað þurfa viðskiptavinir okkar að gera?

Viðskiptavinir okkar sem eiga umrædda vöru ættu að taka hana úr umferð og hafa samband við IKEA fyrir nýja vöru eða endurgreiðslu. Einnig hvetjum við ykkur til þess að láta orðið berast, sérstaklega ef þið vitið til þess að þessar vörur hafa verið gefnar, lánaðar eða seldar öðrum.
 

Við hverju mega viðskiptavinir okkar búast?

Hægt er að skila þeim vörum sem falla undir innköllunina í IKEA verslunina og fá endurgreitt að fullu. Kvittun er ekki skilyrði fyrir endurgreiðslu.

Nánari upplýsingar eru veittar í þjónustuveri í síma 520 2500 og á IKEA.is.

IKEA biðst velvirðingar á óþægindum sem þetta kann að valda.