Svansvottuð eldhús hjá IKEA

Svanurinn er opinbert umhverfismerki Norðurlandanna. Hann er aðeins merktur þeim vörum sem uppfylla strangar kröfur um umhverfi, heilsu, gæði og notagildi.

IKEA er stolt af því að geta boðið upp á sívaxandi úrval af Svansvottuðum vörum. Svansvottun auðveldar neytendum að taka upplýstar ákvarðanir og kaupa vörur sem stuðla að heilbrigðara umhverfi innandyra. Leyfisnúmerið IKEA er 3031 0169.

Hvað felst í Svansvottuðu eldhúsi?

Viðurinn í Svansvottuðu eldhúsi er annaðhvort endurunninn eða uppruni hans er rekjanlegur og eftirlitsskyldur.
Svansvottað eldhús uppfyllir strangar kröfur um efni sem eru skaðleg heilsu. Svanurinn setur bann og strangar takmarkanir á ýmis efni sem eru notuð í til dæmis málningu og lím.
Svanurinn setur viðmiðunarmörk fyrir orkunotkun við framleiðslu á viðarplötum og plasthúð.
Svansvottað eldhús hefur staðist gæðaprófanir sem þýðir að eldhúsið er með að minnsta kosti 10 ára ábyrgð og varahlutir eru fáanlegir í 10 ár.
Svansvottað eldhús á að vera hægt að gera við og endurvinna. Sem dæmi verða einingarnar að vera hannaðar þannig að auðvelt sé að taka þær í sundur, aðskilja, skipta um, gera við og endurvinna ef þörf krefur.

Svansvottun á IKEA eldhúsum

Viðurinn sem er notaður í IKEA eldhús er annaðhvort endurunninn eða FSC-vottaður. Spónaplöturnar sem eru notaðar í eldhúsin eru úr endurunnum við og afgangsefni úr sögunarverksmiðjum og trefjaplöturnar eru úr afgangsefni úr timburvinnslu.
Við bjóðum upp á varahluti fyrir eldhúsin og einingarnar eru endurvinnanlegar.
IKEA eldhús eru með 25 ára ábyrgð.