„Að leika með vatn er frábær leið fyrir barn til að kynnast vatni og finna fyrir öryggi nálægt því. Að hella, sprauta og skvetta gerir baðferðina skemmtilega og afslappaða. Sýn mín fyrir ÄNGSHUMLA baðleikföngin var að hægt væri að skapa spennandi ímyndaðan heim með þeim, svo það var mikilvægt að hægt væri að sprauta og leika sér með þau á mismunandi vegu. Það er hægt að koma þeim öllum fyrir í hvalnum sem er með gat á sporinum sem hægt er að nota til að hengja hann upp og geyma þar til næst.“

Réttu leikföngin gera baðferðina skemmtilega og hjálpa barninu að þjálfa fínhreyfingar og fleira. Skynfærin eru örvuð með litum og áferðum á meðan hreyfiþroski er æfður með því að grípa hluti, hella og sprauta vatni. Það getur einnig verið góð kennslustund í orsökum og afleiðingum. Skapandi leikur með foreldri örvar ekki aðeins ímyndunaraflið heldur styrkir einnig tengslin á milli barns og foreldris. Notaleg stund í daglegri rútínu sem endar oft með hlátrasköllum!