Gegnheill viður er uppáhaldshráefnið okkar og hluti af skandinavískri arfleifð okkar. Hann er sígildur og hægt að nota í margt. Viður er endingargóður, fallegur og endurnýjanlegur, óháð tegund. Við leitumst við að nýta þetta hráefni á skynsaman og skilvirkan hátt til að forðast sóun – og við fjárfestum í aðstöðu og flutningum til að við getum aukið notkun á endurunnum við.

„FJÄLLBO línan er innblásin af iðnaðarhönnun frá því snemma á 20. öldinni. Þetta eru tímalaus húsgögn þar sem hefð og notagildi haldast í hendur. Ég hef unnið með einföld, ósvikin og endingargóð hráefni eins og málm og gegnheilan við. Þetta er hrár, einfaldur stíll sem getur verið í anda naumhyggjunnar eða notalegur – fer allt eftir umhverfinu. Þú getur notað alla línuna saman, eða blandað húsgögnunum úr henni með þeim sem þú átt nú þegar.“