Svefnherbergið er ekki bara staður þar sem við sofum. Þar klæðum við okkur, geymum föt og fylgihluti og í einhverjum tilvikum málum við okkur þar. GRÅFJÄLLET vörulínan er með húsgögn til ýmissa nota, svo sem snyrtiborð og skilrúm. Hönnunin er hrá og stílhrein – sem gerir það að verkum að þessi fallegu stálhúsgögn passa vel hvar sem er.

„Við eigum það til að geyma alla hluti úr augsýn, en hugmyndin með GRÅFJÄLLET er frekar að sýna hlutina. Línan samanstendur af tímalausum húsgögnum sem passa vel saman og færa svefnherberginu persónulegri stíl. Húsgögnin eru fínleg og létt sem gerir þér kleift að leggja áherslu það sem þú geymir í þeim. Iðnaðarlegur málmurinn passar vel með öðru innbúi og rúnnuð smáatriðin færir húsgögnunum hefðbundið yfirbragð.“