Tengingin er töfrum líkust

Hefur þú lent í því að fara út úr húsi og muna svo ekki hvort þú slökktir á straujárninu? Eða værir þú til í að ljósin væru kveikt þegar þú kemur heim seint um kvöld? Með DIRIGERA gáttinni fyrir snjallvörur getur þú tengt og stýrt straujárnum, lömpum, hátölurum, lofthreinsitækjum og fleiri vörum.

„Alvöru töfrarnir verða svo þegar þú tengir vörurnar saman og býrð til svokallaðar senur. Þá getur þú gert svo margt,“ segir Rebecca Töreman sem hefur verið í IKEA snjallvöruteyminu í mörg ár. Hún hefur sjálf búið til notalega morgunrútínu í appinu. „Rétt áður en ég vakna fara gardínurnar upp, ljós kviknar á náttborðslampanum og hátalararnir byrja að spila ljúfa tónlist sem ég valdi. Lofthreinsitækið fer á sjálfvirka stillingu eftir að hafa hreinsað loftið alla nóttina. Ég get ekki ímyndað mér betri byrjun á deginum.“

Snjallari alla daga

Til viðbótar við snjallvörurnar okkar getur þú líka bætt öðrum tækjum við DIRIGERA með þráðlausu millistykki. Þú stingur því í innstungu og síðan getur þú sett hvað sem er í samband, til dæmis kaffivél eða straujárn – þau eru þá orðin hluti af snjallheimilinu. „Hugmyndin með DIRIGERA var að búa til samtengt kerfi sem er einfalt í notkun og uppsetningu. Við erum með meira en 75 ára reynslu í því að gera daglegt líf þægilegra og núna hefur okkur tekist að gera það snjallara með hjálp tækninnar.“

Í sífelldri þróun

Þegar þú kaupir húsgagn eða aðrar IKEA vörur býstu við að þær séu alveg tilbúnar og geti ekki orðið betri. En í þessu tilviki er það ekki alveg svoleiðis. Við erum alltaf að betrumbæta DIRIGERA – án þess að það kosti þig eitthvað aukalega. „Við erum alltaf að uppfæra appið og þróa nýjar vörur og stillingar fyrir snjallheimilið – til að gera daglegt líf aðeins meira töfrandi.“