„Hugmyndin að LISABO var að gera línu úr við sem væri endingargóð, auðveld í samsetningu og liti út fyrir að fljóta í lausu lofti. Við ákváðum að nota matt lakk á asksspóninn til að húsgögnin héldu náttúrulegri viðaráferðinni. Við notuðum sérstaka tækni við framleiðsluna til að ekki væri þörf á stoðum og fyrir sniðskornar brúnirnar sem gefa borðinu handgert yfirbragð. Hægt er að nota húsgögnin á ýmsa vegu og þau henta vel bæði saman sem og ein og sér.“

Viðarspónn er þunnt lag af við sem fest er á hluti eins og spónaplötu til að gera yfirborðið endingargott og færa því náttúrulega viðaráferð. Algengustu spónartegundirnar eru birki, askur, eik og beyki og við höfum gert sérstakt lakk sem ver spóninn fyrir upplitun og viðheldur náttúrulegri áferð viðarins. Það er mikill kostur ef spónninn er örlítið þykkari því það gefur þér kost á að pússa hann upp og gera við ef eitthvað kemur upp á og þar með lengja endingartíma húsgagnsins.

LISABO línan hlaut Red Dot verðlaunin sem eru ein virtustu hönnunarverðlaun heims. Borðið er einstaklega hentugt og passar hvar sem er á heimilinu. Sterkbyggð hönnun sem færir saman nútímahúsgagnagerð og hefðbundið útlit.

Við notum viðarrimla í borðplötuna á LISABO borðinu og gegnheilan við í kantana. Þessi nýstárlega samsetning gerir borðið einstaklega sterkbyggt, svo ekki er þörf á stoðum. Við notum einnig minna af öðrum efnivið, til dæmis færri málmfestingar. Allt svo þú getir notið gæða á viðráðanlegu verði.

LISABO borðin eru náttúruleg í lögun og með sniðskornum brúnum, útlit sem áður var einungis hægt að gera með gegnheilum við. Við vildum finna umhverfisvænni og ódýrari lausn og þróuðum tækni þar sem gegnheill viður er notaður í kantana og viðarrimlar í borðplötuna. Borðið er mjög sterkt þannig að þú getur notað það í mörg ár. Náttúruleg fegurð skín í gegn um sérstaka lakkáferð, sem eykur endingu yfirborðsins. Alvöru viðaráferð og einstakt borð – laust við tímafrekt viðhald!

Stundum þarf maður aðeins fleiri borð, til dæmis þegar fjölskyldan og vinirnir koma í heimsókn. LISABO er einstaklega hentugt veisluborð. Það er auðvelt að setja það saman þegar þörf er á, því það er bara ein skrúfa í hvern fót, og einnig að taka það í sundur til að geyma.