37950

Færðu þig upp í næsta borð

Þúsundir einstaklinga hafa tölvuleikjaspil að atvinnu og milljónir einstaklinga hafa það sem áhugamál. Það sem sameinar þessa einstaklinga er áhugi á rafíþróttum og áskorunum á tölvuskjánum. Þetta felur stundum í sér langar setur og auma vöðva. STYRSPEL gerir þér kleift að fínstilla líkamsstöðuna svo þér líði sem best þegar þú slærð persónuleg met og ferð í næsta borð.

„Jafnvel þótt þú sért ekki tölvuleikjaspilari þekkir þú kannski einhver sem eru það. Í hverri fjölskyldu er oftast einn slíkur,“ segir Ola Kristensson vöruhönnuður. „Margir leikjastólar á markaðnum líkjast keppnisstólum en við vildum gera eitthvað annað, eitthvað lýsandi fyrir IKEA og með öllum nauðsynlegum eiginleikum.“

Þægindi og nytsamlegir eiginleikar

„STYRSPEL hefur útlitið og notagildið sem okkur finnst oft vanta í hefðbundnum leikjastólum,“ segir hann. Bakið og breidd sætisins eru fyrir öll sem vilja sitja þægilega við skjáinn. „Við notum sterkt netefni í stað bólstraðrar setu. Efnið andar vel og er svalandi sem er þægilegt ef fólk situr lengi. Það er mýkra en mörg önnur netefni. Stillingarnar á stólnum eru byggðar á innsæi svo að fólk ætti að geta áttað sig á þeim fljótt.“

Fyrir alls konar tölvuleiki

STYRSPEL hefur eiginleika sem henta tölvuleikjaspilurum en eru auðvitað fyrir hvern sem er, líkt og armarnir sem eru hreyfanlegir í allar áttir. „Fjarlægðin milli olnboganna er mismunandi eftir því hvort þú spilar í tölvu, með fjarstýringu eða í síma. STYRSPEL gerir þér kleift að fínstilla líkamsstöðuna og sitja á afslappaðan hátt, sama hvernig tölvuspil þú spilar.“ Stóllinn hefur góða eiginleika sem geta gefið betri upplifun og kannski betri árangur í tölvuleiknum. Hann er líka frábær fyrir fólk sem býr með tölvuleikjaspilaranum og þarf kannski stundum að fá þægilegan stól lánaðan.