Bílskúr, búr, kjallari, vinnuherbergi og háaloft – HEJNE línan hentar víða. Í HEJNE fást tvær mismunandi dýptir, 31 cm og 50 cm og þú getur haft hirsluna eins breiða og þú vilt með því að bæta við bilum eins og passar rýminu. Viltu geta sett hirsluna á rakt gólf í bílskúrnum eða í kjallaranum? Þá mælum við með að þú setjir endahlífar undir stoðirnar til að koma í veg fyrir að viðurinn dragi í sig raka af gólfinu.

Gegnheill viður er uppáhaldshráefnið okkar og hluti af skandinavískri arfleifð okkar. Hann er sígildur og hægt að nota í margt. Viður er endingargóður, fallegur og endurnýjanlegur, óháð tegund. Við leitumst við að nýta þetta hráefni á skynsaman og skilvirkan hátt til að forðast sóun – og við fjárfestum í aðstöðu og flutningum til að við getum aukið notkun á endurunnum við.