VARDAGEN santoku-hnífurinn er nothæfur til ýmissa verka í eldhúsinu. „Santoku“ er japanska og þýðir „þrír kostir“ eða „þrjú notagildi“. Hnífurinn hentar til skurðar á kjöti, fiski og grænmeti, hvort sem það er skorið í sneiðar, teninga eða saxað fínlega. Hnífurinn er afar stöðugur, er með þægilegu handfangi úr dökkri hnotu og dældir í hnífsblaðinu hindra að matvælin loði við blaðið. Allt er þegar þrennt er!

Þú finnur ryðfrítt stál í allt frá byggingamannvirkjum og bílum til vaska og hnífa. Það er auðvelt að sjá hvers vegna það er notað í svona margt. Ryðfrítt stál er hart og endingargott og tærist lítið – sem sagt ryðgar ekki. Það inniheldur vanalega lítið af nikkeli og í IKEA vörur er aðallega notað nikkelfrítt stál. Eins og með marga aðra málma er hægt að endurvinna það aftur og aftur í nýja slitsterka hluti – án þess að það tapi dýrmætum eiginleikum sínum.