Úr afgöngum í gardínur

LENDA gardínur hafa verið í vöruúrvali okkar í um 20 ár og hafa notið mikilla vinsælda þar sem þær færa rýminu mýkt og hleypa dagsbirtu varfærnislega í gegnum bómullarefnið. Núna eru komnar fleiri ástæður til að líka þær – en það byrjar á nýju ljósbleiku útgáfunni.

„Það er kannski ekki eitthvað sem þú tekur eftir þegar þú hengir gardínurnar upp, en í samstarfi við birgja okkar höfum við náð að gera efnið úr 50% bómullarafgöngum frá textíliðnaðinum,“ segir Karin Svensson, einn af textílverkfræðingum okkar, full af áhuga.

Afgangarnir eru spunnir í nýtt garn

Í nánast allri textílframleiðslu eru afgangar af garni og efnisbútum algengir. Lengi vel var þeim oft hent því þeir voru ekki álitnir sú auðlind sem þeir í raun eru. „Við vitum að bómullarframleiðsla notar mikið af vatni og efnum annig að þegar textílafgöngum er hent er það gríðarleg sóun á auðlindum,“ segir Karin. Rétt eins og við, sá birgirinn okkar verðmætið í því að bjarga þessum afklippum og þróaði aðferð þar sem textílefni eru tætt í trefjar sem hægt er að spinna í nýtt garn. Bæta þarf við ákveðnu magni af óbleiktum bómullartrefjum til að ná réttum styrk í garninu. Til að fá þennan ljósbleika tón fyrir LENDA notaði birgirinn textílafganga í ákveðnum litum. En vegna þess að hráefnin eru mismunandi getur liturinn breyst lítillega, sem falleg áminning um uppruna efnisins.“

Endurvinnsla hefst með réttum vali

LENDA verkefnið er mikilvægt skref í átt að markmiði okkar um að nota eingöngu endurnýjanleg eða endurunnin efni í vörurnar okkar. Nú erum við að vinna að því að kynna endurunnið efni í fleiri litum. Í gegnum starf sitt hefur Karin séð hversu flókinn hefðbundni textíliðnaðurinn getur verið. „Mismunandi efni og litir eru oft blandaðir saman, sem gerir endurvinnslu erfiða. Með LENDA höfum við lært að við þurfum að hugsa um sjálfbærni alveg frá upphafi – og finna skapandi lausnir í þeim aðstæðum sem við erum að vinna með.“