MÄVINN – náttúrulegt samstarf

MÄVINN vörurnar eru svo miklu meira en fallegir skrautmunir. Ef þú rýnir í þær sérðu framúrskarandi handverk úr nýstárlegu efni með skemmtilegum smáatriðum og það sem meira er skapar MÄVINN línan atvinnutækifæri fyrir þau sem mest þurfa á því að halda.

Litasprengjur!

ROPE er eitt af félagslegu fyrirtækjunum sem við erum í samstarfi við. Það er staðsett í suðurhluta Indlands á svæði sem er þekkt fyrir flugeldaverksmiðjur og óöruggar vinnuaðstæður – algjörlega á öndverðum meiði við ROPE sem veitir örugg störf og sanngjörn laun. Leggðu á borð með handofnum MÄVINN diskamottum eða löber til að fagna hefðbundnu handverki.

Náttúrulegt samstarf

Þegar við hönnuðum MÄVINN línuna lögðum við mikið upp úr því að nota náttúruleg, endurnýjanleg og lífbrjótanleg efni eins og bananabörk, jútu og palmýrupálmalauf í framleiðslunni. Þessi efni færa einnig vörunum einstakt útlit og náttúruleg litbrigði.

„Ég vann áður á spítala sem hjúkrunarfræðingur en eftir að ég eignaðist barn gat ég ekki unnið þar lengur. Hér er boðið upp á barnagæslu og því er barnið mitt öruggt þegar ég er í vinnunni. Okkur gengur mun betur núna þegar við erum með tvö með tekjur á heimilinu.“

Dhanalakshmi
Handverkskona hjá ROPE, samstarfsaðila IKEA

Skandinavísk nútímahönnun unnin með hefðbundnu handverki

Í MÄVINN sameinum við náttúruleg efni með áberandi mynstrum og sterkum litum. Þessar nýju MÄVINN vörur eru í stíl við eldri en með öðru notagildi og í fleiri litum. MÄVINN er hönnuð til að skipta máli og við vonum að línan geti hjálpað þér að skapa réttu stemninguna í stofunni.

Litríkt samstarf

MÄVINN púðaverið, hannað af Luna Gil, er með stóru blómamynstri. Handsaumaðar útlínur í kringum laufblöðin skapa skemmtilega áferð um leið og þær styrkja efnahagslega stöðu 305 jórdanskra kvenna og sýrlenskra flóttakvenna sem starfa hjá Jordan River Foundations.

Skoðaðu vefnaðarvörur

Nýjar línur fyrir borðstofuna

Fegraðu borðstofuna með handgerðum skrautmunum

Paraðu röndóttu MÄVINN svuntuna saman við MÄVINN gardínur og tösku. Vefnaðarvörurnar eru handgerðar með útsaumuðum smáatriðum sem færa heimilinu sjarma. Með því að leyfa plöntunum að hanga úr loftinu eða geyma eldhúsáhöld í körfum nýtir þú plássið betur – á náttúrulegan hátt.

Hver einasti diskur og blómapottur skipta sköpum

MÄVINN diskar, skálar, blómavasar og -pottar eru öll handgerð til að skapa störf fyrir frumbyggja og ættbálka í Taílandi í samvinnu við félagslega fyrirtækið Doi Tung.

Skoðaðu skreytingar